Hans Hanssen Grimelund
| Hans Hanssen Grimelund | |
 | |
| Statsborgarskap | Noreg |
| Fødd | 14. mai 1758 Kråkstad |
| Død | |
| Yrke | bonde, politikar |
| Språk | norsk |
Hans Hanssen Grimelund (14. mai 1758–11. juni 1844) var ein norsk gardbrukar og stortingsmann frå Kråkstad i Akershus. Han var far til Hans Grimelund og Andreas Grimelund.
Grimelund var son av ein gardbrukar i Kråkstad. Frå 1779 var han gardbrukar i Kråkstad, men kjøpte i 1781 garden Grimelund i Vestre Aker og busette seg der. Seinare kjøpte han garden Nordberg i same soknet og budde der.
Grimelund var valmann ved fleire valting, mellom anna i 1814 då det vart vald utsendingar til riksforsamlinga på Eidsvoll. Han var 2. representant frå Akershus amt på Stortinget 1815-16. Der var han medlem av tre komitear, mellom dei komiteen for land-, skog og bergvesen. Frå 1824 var han forlikskommissær, og frå 1837 medlem av heradsstyret.
Han døydde på Nordberg i Vestre Aker i 1844.
Kjelder
[endre | endre wikiteksten]- Tallak Lindstøl: Stortinget og Statsraadet, 1814-1914. B. 1 D. 1 : Biografier A-K digital utgåve side 300
- Biografisk informasjon om Hans Hanssen Grimelund NSD Norsk senter for forskningsdatas politikararkiv