Henrik Frisak

Henrik Frisak
	Henrik Frisak
Fødd	18. juli 1852; Romedal
Død	15. januar 1939 (86 år)
Statsborgar av	Noreg
Parti	Venstre
Yrke	politikar, jurist, dommar
Barn	Astri Frisak
Alle verv	stortingsrepresentant (1910–1912); ordførar i Ålesund (1901–1904); ordførar i Ålesund (1907–1909) ;

Henrik Leganger Frisak (18. juli 1852–1939) var ein norsk jurist, embetsmann og stortingsrepresentant frå Romedal i Hedmark.

Frisak var fødd i Romedal, faren var offiser i infanteriet. Sjølv vart han 1867 student frå Nissens skole i Kristiania, fem år seinare vart han cand. jur. 1874-75 var han stenograf i Stortinget, deretter 1875-78 fullmektig hos sorenskrivaren i Romsdal. I perioden 1878-98 var han overretts sakførar i Ålesund. Frå 1898 til 1913 var han sorenskrivar i Sunnmør. Til sist, frå 1913, var han høgsteretts assessor i Kristiania.

I periodane 1890-95, 1899-1904 og 1908-10 var Frisak medlem av bystyret i Ålesund, ordførar 1902-04 og 1908-09. Elles var han direktør i Aalesunds Sparebank 1881-82, seinare mange år direktør i Landmandsbanken i Ålesund. Frisak representerte Ålesund og Molde på Stortinget 1910-12. Han var då medlem av Lagtinget, næringskomite nr 1 og den utvida justiskomiteen. Politisk høyrde han heime i Venstre.

Kjelder[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Henrik Frisak NSD Norsk senter for forskningsdatas politikararkiv