Henrik Gerner

Frå Wikipedia – det frie oppslagsverket
Hopp til navigering Hopp til søk
Henrik Gerner
Fødd 27. januar 1780
Moss
Død

11. februar 1837
Moss

Yrke politikar, trelasthandlar

Henrik Gerner (27. januar 178011. februar 1837) var ein norsk næringsdrivar og stortingsmann, fødd og død i Moss.

Gerner var fødd i Moss, der far hans var tollinspektør. Sjølv gjekk han på Herlufsholms skule og vart student i 1800. Han var elev av militærakademiet, ferdig utdanna offiser i 1804. Gerner tok avskjed frå det militære med kapteins grad i 1814, men var seinare sjef for borgarvæpninga i Moss i mange år.

År 1806 fekk Gerner borgarskap i Moss og dreiv forretning på mange felt. Han var både trelasthandlar, dreiv sagbruk og mylne, brennevinsbrenneri, tobakksfabrikk, teglverk, klesfabrikk og dei store gardbruka Melløs i Moss og Holmen i Rygge.

Gerner representerte Moss på Stortinget i 1815-16 og i 1818. På den fyrstnemnde tingsamlinga var han medlem av 11 komitear, mellom andre av komiteen vedkomande økonomi, handel og sjøfart i kjøpstadane. I 1818 var han medlem av Lagtinget og 13 komitear. Mellom anna deltok han i komiteane som drøfta meklarlova, priveligane til Nedenes len, kjøpstadsrettar for Ålesund og for Drøbak, Ålesunds handel med Danmark og Sverige, samt vernepliktslova.

I Moss har Gerner fått ei gate oppkalt etter seg; Henrich Gerners gate. I nummer 10 i gata ligg den freda Gernergarden, som han fekk bygd litt etter 1807.[1]

Gerner var innehavar av Dannebrogordenen og Sverdordenen.

Kjelder[endre | endre wikiteksten]