Hilde Sandvik
| Hilde Sandvik | |
_ledet_samtalen_om_mediedekningen_av_22._juli_(7005765376)_(cropped).jpg) | |
| Statsborgarskap | Noreg |
| Fødd | 30. april 1970 (54 år) Erfjord 
|
| Yrke | journalist, podkastvert, redaktør |
| Prisar | Kulturdepartementet sin nynorskpris for journalistar |
| Hilde Sandvik på Commons | |
Hilde Sandvik (fødd 30. april 1970) er ein norsk journalist og tidlegare kultur- og debattredaktør i Bergens Tidende. Sandvik er fødd i Erfjord i Suldal kommune og utdanna cand.philol. frå Universitetet i Bergen.[1]
Journalist og redaktør
[endre | endre wikiteksten]Sandvik var i perioden 2003-06 redaktør i tidsskriftet Syn og Segn saman med Marit Eikemo.[2]
Ho var sommaren 2005 debattredaktør i Dagbladet. Ho har òg vore spaltist i Klassekampen og dessutan skribent i fleire andre publikasjonar. I perioden frå 2006 til 2016 var ho i Bergens Tidende, først som journalist, så som debattredaktør, og i 2010–16 var ho kultur- og debattredaktør.[3]
I 2012 fekk Sandvik Kulturdepartementet sin nynorskpris for journalistar, saman med Katrine Sele.[4]
I 2016 lanserte Sandvik Broenxyz, eit nordisk mediehus, med seg sjølv som redaktør.[5]
I 2020 lanserte NRK P2 i lag med SR og DR radioprogrammet «Norsken, svensken og dansken», eit skandinavisk samarbeid med Hilde Sandvik som programleiar.[6]
Styreverv
[endre | endre wikiteksten]Hilde Sandvik er medlem av Utvida Råd i Studentersamfunnet i Bergen. Utvida Råd består av ressurspersonar frå akademia, mediebransjen og kulturlivet i Bergen, og er eit kompetanseorgan for Studentersamfunnet.[7] Ho har tidlegare vore styremedlem i samtidsmusikkfestivalen Borealis og nestleiar i Norsk Tidsskriftsforening.[3]
Sandvik har sidan 2016 vore styremedlem i Amedia, og er i 2020 nestleiar i styret.[8]
Forfattar
[endre | endre wikiteksten]Våren 2007 kom Sandvik ut med boka Hersketeknikk, skriven i lag med Jon Risdal. I Diverse teikningar, òg frå 2007, stod Marvin Halleraker i Bergens Tidende for teikningane og Hilde Sandvik for teksta. Hausten 2008 kom boka Traktorland saman med Knut Egil Wang.
Bibliografi
[endre | endre wikiteksten]- Hersketeknikk, saman med Jon Risdal, Spartacus (2007)
- Diverse teikningar, saman med Marvin Halleraker, Bergens Tidende (2007)
- Traktorland, saman med Knut Egil Wang, Cappelen Damm (2008)
Referansar
[endre | endre wikiteksten]- ↑ Garvik, Olav (15. november 2019). «Hilde Sandvik». Store norske leksikon (på norsk bokmål). Henta 3. september 2020.
- ↑ «Hilde Sandvik, Litteratursymposiet i Odda 2020». Henta 03.09.2020.
- ↑ 3,0 3,1 «Hilde Sandvik - Allkunne» (på norsk). Henta 3. september 2020.
- ↑ «2012 - Katrine Sele og Hilde Sandvik | NRK Nynorsk mediesenter». Henta 3. september 2020.
- ↑ Michalsen, Gard L. (17. desember 2016). «Nå har Hilde Sandvik åpnet broen. «Det er ikke en avis å abonnere på, men et samfunn å være medlem i»» (på norsk). Henta 3. september 2020.
- ↑ Framnes, Andreas (2. mars 2020). «Skandinavisk samarbeid: Premiere på Norsken, svensken og dansken i NRK P2» (på norsk bokmål). Henta 3. september 2020.
- ↑ «Studentersamfunnet H16» (på engelsk). Henta 3. september 2020.
- ↑ «Styret». Arkivert frå originalen 15. august 2020. Henta 3. september 2020.
- Denne artikkelen bygger på «Hilde Sandvik (journalist)» frå Wikipedia på bokmål, den 27. august 2021.