Isle of Portland

Isle of Portland
Utsyn over Fortuneswell og Chesil Beach Utsyn over Fortuneswell og Chesil Beach
Plassering
Styresmakter
Land	Storbritannia
Konstituerande land	England
Grevskap	Dorset
Distrikt	Weymouth and Portland
Geografi
Koordinatar	50°33′N 2°26′W
Diverse annan informasjon
Postnummer	DT5
Telefon-retningsnummer	01305
Commons har multimedium som gjeld: Isle of Portland

Isle of Portland er ei halvøy i Den engelske kanalen 8 km sør for feriestaden Weymouth og det sørlegaste punktet i grevskapet Dorset i England. Halvøya består av kalkstein og er 6 km lang og 2,4 km på det breiaste. Ho er knytt til fastlandet via den smale sandtangen Chesil Beach og ei bru. Portland og Weymouth dannar i lag distriktet Weymouth and Portland. Portland har nesten 13 000 innbyggjarar.

Portland er ein sentral del av Jurassic Coast, ein verdsarvstad i Dorset og det austlege Devon, kjend for dei spesielle geologiske tilhøva her. Namnet vert nytta om eit av dei britiske havområda og fleire byar i Nord-Amerika og Australia er kalla opp etter staden. Det vart framleis hogge ut portlandssandstein her som vert nytta i mykje britisk arkitektur, mellom anna St Paul's Cathedral og Buckingham Palace.

Den store, djupe kunstige hamna på nordsida av Portland var base for Royal Navy under den første og den andre verdskrigen. Den britiske marinen og NATO hadde øvingar i farvatnet her fram til 1990-åra. Hamna er i dag ei sivil hamn og eit populært fritidsområde. Konkurransane innan segling i sommar-OL 2012 blei halde her.

Sjå og

• Portland Bill
• Pulpit Rock på Isle of Portland

Bakgrunnsstoff

Wikimedia Commons har multimedia som gjeld: Isle of Portland

• Offisiell side for Weymouth & Portland Arkivert 2005-12-24 ved Wayback Machine.
• Geologi på kysten av Wessex
• Utforsk Portland
• Portland Sculpture & Quarry Trust
• Isle of Portland Industrial Archaeological Survey

Kjelder

• Denne artikkelen bygger på «Isle of Portland» frå Wikipedia på engelsk, den 20. januar 2010.