Hopp til innhald

Ivan Hesjko

Frå Wikipedia – det frie oppslagsverket
Ivan Hesjko
Statsborgarskap Sovjetunionen, Ukraina
Fødd 19. august 1979 (44 år)
Klivodyn
Idrett friidrett
Tok del i

Sommar-OL 2008, Sommar-OL 2004, Sommar-OL 2000

Ivan Hesjko (fødd 19. august 1979) er ein ukrainsk tidlegare mellomdistanseløpar frå Tsjernivtsi som spesialiserte seg i 1500 meter. Han vann bronsen på distansen under verdsmeisterskapen 2003 og sølvmedaljen ved europameisterskapen 2006.

Aktiv[endre | endre wikiteksten]

Hesjko sprang seg inn i verdseliten på 1500 m sommaren 2002. Etter å ha sett landsrekord med 3.32,0 i juni månad, tok han i august bronsemedaljen på distansen under VM i friidrett 2003 i Paris, klart slått av vinnaren Hicham El Guerrouj og Mehdi Baala. Ved innandørs-VM 2004 i Budapest vart han andremann etter eit løp i lusefart. Under Sommar-OL 2004 vart han femtemann på 1500 m og utslått i semifinalane på 800 meter. Berre vel ei veke etter leikane i Aten, den 3. september i Brussel, sette han ukrainsk rekord med tida 3.30,33 i eit GL-stemne.

I 2005 vann Hesjko spesialdistansen både i innandørs-EM i Madrid, under universiaden i Izmir og til sist under den såkalla verdsfinalen. Inn i mellom vart han fjerdemann i VM-finalen i Helsinki, utan heilt å kunne truge dei tre medaljevinnarane. Vårvinteren 2006 sigra han på 1500 m ved innandørs-VM i Moskva. I august 2006 kneip Hesjko sølvmedaljen på 1500-meteren då friidretts-EM vart avvikla i Göteborg.

Medaljar og plasseringar i internasjonale meisterskap[endre | endre wikiteksten]

  • OL 2000 i Sydney: Utslått i kvalifiseringa på 1500 m (3.41,8=nr 31)
  • EM 2002 i München: Utslått i kvalifiseringa på 1500 m (3.47,7=nr 16)
  • VM 2003 i Paris: Bronsemedalje på 1500 m – 3.33,1
  • OL 2004 i Aten: Nr 5 på 1500 m – 3.35,8. Utslått i semifinalane på 800 m (1.46,6=nr 15)
  • VM 2005 i Helsinki: Nr 4 på 1500 m – 3.38,7
  • EM 2006 i Göteborg: Sølvmedalje på 1500 m – 3.39,5, bakom Mehdi Baala (3.39,0)
  • VM 2007 i Osaka: Utslått i kvalifiseringa på 1500 m (3.42,0=nr 25)

Kjelder[endre | endre wikiteksten]