Jakob Inderberg

Frå Wikipedia – det frie oppslagsverket
Hopp til navigering Hopp til søk
Jakob Inderberg
Christoffer Inderberg.JPG
Fødd 16. september 1852
Beitstad
Død

18. februar 1932
Vikna

Yrke politikar, bonde, underoffiser, politibetjent, bankkasserer

Jakob Kristoffer Johansson Inderberg (16. september 185218. februar 1932) var ein norsk offiser, bankmann, gardbrukar og Venstre-politikar frå Beitstad i Nord-Trøndelag.

Inderberg var son til ein gardbrukar i Beitstad. Han tok i 1873 eksamen ved underbefalsskulen i Trondheim. Frå 1876 var han sersjant og steig vidare i gradane til furer 1888, kommandersersjant 1897, og til sist fanejunker 1902-12. Inderberg var kasserar i Vikna sparebank 1878-1932, lensmannsdreng i Nærøy 1878-84 og gardbrukar på Ålvik i Vikna 1883-1932. Han var medlem av Vikna heradsstyre 1884-1928, varaordførar 1886-97 og ordførar 1900-22.

Inderberg var vararepresentant 1898-1900 for Nordre Trondhjems amt. I 1900 møtte han for Hans Konrad Foosnæs frå 25. april. Han representerte same krinsen på Stortinget 1903-06 og Namdalen krins på Stortinget 1910-18. I 1900 var han medlem av Lagtinget og landbrukskomiteen, 1903-06 av militærkomiteen. Bolken 1910-12 var han medlem av næringskomite nr 1, 1913-18 sekretær i same. Periodane 1922-24 og 1925-27 var Inderberg 1. varamann for Nordre Trondhjems amt. Han møtte i den fyrste perioden fram til mars 1923, då den valde representanten Håkon Five tok plass, kom inn att i juli 1924 for same representanten. Det same gjentok seg i den siste perioden, då møtte Inderberg for Five fram til mars 1926. 1922-24 var han medlem av sosialkomiteen, og 1925-26 av finanskomiteen.

Inder var medlem av Den departementale hærordningskomite av 1908-09 og av Lønnskommisjonen av 1919.

Kjelder[endre | endre wikiteksten]

  • Lindstøl, Tallak: Stortinget og Statsraadet 1814-1914. Kristiania, 1914

Bakgrunnsstoff[endre | endre wikiteksten]