yr.no

Frå Wikipedia – det frie oppslagsverket
Gå til: navigering, søk
yr.no
Yr-logo.png
URL www.yr.no
Emne vervarsel, meteorologi
Språk Bokmål, nynorsk, kvensk, nordsamisk og engelsk
Eigar Meteorologisk institutt og NRK
Oppretta 19. september 2007

yr.no er ein norsk nettstad for vêrvarsel og annan meteorologisk informasjon. Nettstaden blir drive som eit samarbeid mellom Norsk rikskringkasting (NRK) og Meteorologisk institutt.

På nettstaden kan ein finne automatgenererte vêrvarsel (som grafar og kart) for 700 000 stader i Noreg og 6,3 millionar stader i resten av verda. For Noreg er det i tillegg utarbeidde tekstvarsel frå Meteorologisk institutt, radar- og satellittbilete, klimatologiske data og ei rekkje spesialvarsel. Vidare er det nyheitssaker og populærvitskapelege artiklar relatert til vêr og klima. Vêrvarsla er basert på data frå Meteorologisk institutt og dei internasjonale samarbeidspartnarane til instituttet (ECMWF, EUMETSAT etc.).

Mykje av informasjonen på yr.no er tilgjengeleg i XML-format, slik at delar av han (f.eks varsel for ein stad) kan leggjast til i andre nettstader og nettenester.

yr.no vart offisielt lansert 19. september 2007 etter å ha vore i open beta-drift frå juni same år. Nettstaden vart raskt populært, og passerte 1,3 millionar brukarar i veka sumaren 2008. Ettersom yr.no teknisk er ein del av NRKs nettsider, har den store trafikken vore med på å gjere nrk.no til ein av Noregs 2–5 mest besøkte nettstader.

Samtidig med lanseringa av yr.no innførte Meteorologisk institutt ein ny prispolitikk som gjer at det meste av grunnlagsdataa til instituttet er gratis.

Nettstaden fekk allereie i 2007 Rosing-prisen i to kategoriar, beste nettstad og beste språk.

Thor Gjermund Eriksen er ansvarleg redaktør, Anton Eliassen meteorologisk ansvarleg og Ingrid Støver Jensen redaktør for yr.no

Bakgrunnsstoff[endre | endre wikiteksten]

Kjelder[endre | endre wikiteksten]