Jolanda Čeplak

Frå Wikipedia – det frie oppslagsverket
Hopp til navigering Hopp til søk
Jolanda Čeplak
Statsborgarskap Slovenia, Den sosialistiske føderale republikken Jugoslavia
Fødd 12. september 1976
Celje
Idrett friidrett
Yrke mellomdistanseløper, friidrettsutøvar

Jolanda Čeplak, opphavleg Jolanda Steblovnik, (fødd 12. september 1976) er ein slovensk tidlegare mellomdistanseløpar frå Celje. Ho vart europameister på 800 m i 2002, og tok OL-bronse på same distansen i 2004.

Aktiv[endre | endre wikiteksten]

I unge år deltok Čeplak i løp på fleire distansar, fyrst då ho var tidleg i 20-åra bestemte ho seg for å satse mest på 800 meter. Ho fekk sitt internasjonale gjennombrot i 2002 med siger og innandørs verdsrekord på 1.55,82 under innandørs-VM i Wien. Under europameisterskapen i München same året vann ho gullmedaljen på 800 m på suverent vis.

Ved dei olympiske leikane i Aten i 2004 avslutta ho sterkt på 800-meteren og var i mål så å seie jamsides gullvinnar Kelly Holmes og sølvvinar Hasna Benhassi. Det måtte sågar målfoto til for å skille Benhassi og Čeplak. Største favoritten, Maria Mutola, måtte ta til takke med fjerdeplassen.

Ceplak tok bronsen i innandørs-EM 2007. I juni same året testa ho positivt på erythropoetin (EPO) i ein umeld dopingkontroll i bustaden hennar i Monaco. Det slovenske friidrettsforbundet stengde henne ute frå friidrettstevlingar i to år, noko som vart eit endeleg farvel med friidretten.

Čeplak sin slovenske rekord på 800 meter frå 2002 lyder på 1.55,19 og gjeld framleis i 2015. Hennar personlege rekord på 1500 m frå 2003 er på 4.02,4.

Medaljar og plasseringar i internasjonale meisterskap[endre | endre wikiteksten]

Kjelder[endre | endre wikiteksten]