Kristian Bjørn

Frå Wikipedia – det frie oppslagsverket
Hopp til navigering Hopp til søk
Kristian Bjørn
Fødd 22. august 1919
Alvdal
Død

1. april 1993
Alvdal

Yrke langrennsløpar

Kristian Bjørn (22. august 19191. april 1993) var ein norsk langrennsløpar og gardbrukar, som var fødd og døydde i Alvdal og som representerte Alvdal Idrettslag. Han vann to sølvmedaljar i noregsmeisterskap på ski, og fekk i 1950 VM-bronse i stafett for Noreg.

Aktiv[endre | endre wikiteksten]

Bjørn deltok for Noreg i vinterleikane i St. Moritz i 1948 og kom på niandeplass 50-kilometeren. Seinare i OL-sesongen gjekk han inn til sølvmedalje på 18 km i NM på ski, med tida 1.02.49 var han 47 sekundar bakom vinnaren, Thorleif Vangen. Året etter vart det eit nytt NM-sølv på same distansen, klubbkameraten Ottar Gjermundshaug hadde då 36 sekundar betre tid.

Bjørn gjekk tredjeetappen for Noregs lag som tok bronse på 4x10 km stafett i VM på ski i 1950 i Lake Placid. Martin Stokken, Eilert Dahl og Henry Hermansen var dei andre norske medaljevinnarane.

Kristian Bjørn var sidan gardbrukar på Bjørnsplass i Alvdal.

Medaljar og besteplasseringar i noregsmeisterskap[endre | endre wikiteksten]

  • 1946: Nr 10 på 50 km i Drammen
  • 1947: Nr 4 på 30 km
  • 1948: Sølvmedalje på 18 km på Lillehammer
  • 1949: Sølvmedalje på 18 km på Steinkjer

Bakgrunnsstoff[endre | endre wikiteksten]

  • (en) Kristian Bjørn – Profil og resultatoversikt i olympiske konkurransar på sports-reference.com.