Kroken kyrkje i Troms

Frå Wikipedia – det frie oppslagsverket
Hopp til navigering Hopp til søk
Kroken kyrkje
kyrkje
Kroken Church (2014).jpg
Kyrkjesamfunn Den norske kyrkja
Bispedøme Nord-Hålogaland / Oslo
Prosti Tromsø domprosti / Døveprostiet
Sokn Kroken / Døves kyrkjelyd
Fellesråd Tromsø / Døvekyrkja sitt fellesråd
Arkitekt Lille Frøen arkitekter v/Nikolai Alfsen[1]
Teknikk Mur
Innvigd 2006
Kyrkjegard Nei
Altartavle Tor Lindrupsen
Sitjeplassar 480/90[2]
Diverse Kroken kyrkje og Tromsø døvekyrkje ligg i same bygg

Kroken kyrkje
69°41′2″ N 19°4′11″ E
Wikimedia Commons: Kroken kirke (Tromsø)

Kroken kyrkje er ei arbeidskyrkje med kyrkjesal i vifteplan. Kyrkja er frå 2006 og ligg i Tromsø. Ho er oppført i mur og har 480 sitjeplassar. Tor Lindrupsen har laga den kunstneriske utsmykkinga. Kroken kyrkje deler bygg med Tromsø døvekyrkje. Døvekyrkja held til i underetasjen i bygget. Kyrkja vart innvigd av to biskopar, Per Oskar Kjølaas, biskop i Nord-Hålogaland bispedømme, og Ole Christian Kvarme, biskop i Oslo bispedømme. Dette skjedde fordi døvekyrkja ligg under biskopen i Oslo.

Kroken vart skilt ut som eige prestegjeld i 1979, men det vart ikkje bestemt at kyrkja skulle byggjast, før i 2003. Då hadde ein hatt teikningar liggjande frå 1997, og ein fekk bygd eit bygg på 1650 kvadratmeter for 30 millionar kroner.

Kyrkjesalen er eit lyst rom med teglsteinsveggar. Salen er prega av den store altartavla, laga av Tor Lindrupsen. Altartavla dekkjer heile veggen bak altaret, og består av relieff med motiv frå bibelhistoria. Orgelet er bygd av Ryde & Berg Orgelbyggeri og har 20 register.[3] Døypefonten er teikna av Nikolai Alfsen, som var arkitekt for heile kyrkja.[2]

Tromsø døvekyrkje[endre | endre wikiteksten]

Tromsø døvekyrkje har eigne lokale i underetasjen i kyrkjebygget. Kyrkjesalen er eit amfi, noko som saman med lyssettinga skal gjere det lettare for døve å lese teiknspråket som blir brukt. Som for resten av bygget er det Nikolai Alfsen som har vore arkitekt og Tor Lindrupsen som har stått for den kunsteneriske utforminga.

Bilete[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]

  1. Biežavákki girku. Kroken kirke, hefte utgitt i samband med oppføringa av kyrkja
  2. 2,0 2,1 Ronny Trælvik og Arne Ivar Hansen, Kirkene i Troms, bind III, Finnsnes, 2017. s. 260–265
  3. Ryde & Berg om orgelet i Kroken kyrkje.