Luftskip

Frå Wikipedia – det frie oppslagsverket
Gå til: navigering, søk
Det amerikanske luftskipet USS «Akron» 2. november 1931.
Ein Blimp (eit luftskip utan ramme), bilete frå ca. 2007

Luftskip er eit sigarforma, motordrive luftfartøy som er lettare enn luft og kan manøvrerast (styrast) under flyginga. Store delar av det innvendige volumet er fylt med lettare-enn-luft-gass. Inntil 1937 var gassen stort sett hydrogen, mens ein i dag nyttar helium.

Luftskipet har propellar som drive det framover og ror som hjelper det med manøvreringa, og det kan halde seg i lufta i fleire veker utan at det treng mellomlanding.

Det finst to hovudtypar av luftskip: Zeppeliner som er bygd opp med ei innvendig stiv ramme og Blimp, som er utan ramme.

Historie[endre | endre wikiteksten]

Det første luftskipet vart bygd av Henri Giffard og starta frå Paris den 24. september 1852, det vart drive av ei dampmaskin og styrt med eit segl. Den mest kjente personen når det gjeld luftskip er Grev Ferdinand von Zeppelin. Han påbyrja eit styrbart luftskip i 1899 og i 1900 foretok han tre flygningar over Bodensjøen. Hans draum var å bruke luftskip i militæret, men under den første verdskrigen vart det klart at dei ikkje var egna i krig. Før 1937 vart det brukt hydrogen til oppdrift i luftskip, men erstatta med helium i 1937 grunna fleire ulukker på 1930-talet. I 1937 skjedde ei ulukke som sette stoppar for luftskip med hydrogen då Hindenburg tok fyr ved landing i Lakehurst utanfor New York.

I dag blir luftskip i stor grad nytta til reklameformål, men også til rundturar i lufta, til landskapsfotografi og til forsking. I Kosovo har eit luftskip utstyrt med radar vore brukt til minesøkning (i år 2001).

I Noreg har vi hatt eitt einaste luftskip; Luftskipet Norge som vart brukt av Roald Amundsen i 1926.