Makrellterne

Makrellterne (Sterna hirundo) er ein fugl i ternefamilien.

Utsjånad

Makrellterna er om lag 40 cm lang og har ein svart spiss på nebbet.

Makrellterne som matar avkom.

Flygande makrellterne med fisk.

Global utbreiing

Makrellterna er ein trekkfugl som hekkar i kalde, men frostfrie strøk langs kystane i Europa og Asia, og Nord-Amerika unnateke i nordvest. Arten hekker stundom ved ferskvatn.

Utbreiing i Noreg

Her i landet finn ein fuglen i koloniar langs heile kysten frå svenskegrensa og Hvaler til Finnmark. Fleire stader hekker fuglen også ved vatn inne i landet, og då helst i lågareliggane trakter. Hekking inne i landet tiltok i det 20. hundreåret. Makrellterna er vanlegast i dei sørlege delane av landet, og vert gradvis sjeldnare nordover. Dette er motsett av det ein finn hos raudnebbterna. Bestandane i Sør-Noreg, Sverige og Storbritannia har gått ned fram mot artsvurderinga i 2006, og fuglen er derfor rekna som sårbar i Noreg.

Hekking

Fuglen hekker i små og mellomstore koloniar, men også i enkelte par. Søraust i landet er det sjeldan fleire enn 20-40 par i ein koloni, vest og nord i landet kan storleiken kome opp mot 100-200 par,. Desse koloniane har ofte eit stort innslag av raudnebbterner. Makrellternene vert forplantingsdyktige 3-4 år gamle. I søraust vert dei flest egga lagde i mai, i vest noko seinare, og i Finnmark vert egga oftast lagde i juni. Hoa legg 2-3 (1-4) egg i ei grop eller i eit enkelt reir bygd av plantedelar, tang, skjelrestar eller småstein. Foreldra rugar i 21-23 døgn. Ungane held seg i reiret i to døgn, og er framleis i nærleiken til dei kan flyge 21-25 døgn gamle. Det er ikkje uvanleg at eit par held saman i fleire år.

Makrellterna lever av småfisk.

Kjelder

• caplex.no
• Søk i Rødlistedatabasen
• Aschehoug og Gyldendals LILLE NORSKE leksikon Noreg 2000: Kunnskapsforlaget.
• Norsk Fugleatlas, 1994.

Bakgrunnsstoff

Wikimedia Commons har multimedia som gjeld: Makrellterne

Denne biologiartikkelen er ei spire. Du kan hjelpe Nynorsk Wikipedia gjennom å utvide han.