Måsefamilien

Frå Wikipedia – det frie oppslagsverket
Måsefamilien
Systematikk
Underrekkje: Virveldyr Vertebrata
Overklasse: Tetrapodar Tetrapoda
Klasse: Fuglar Aves
Underklasse: Neognathae
Overorden: Neoaves
Orden: Vade-, måse- og alkefuglar Charadriiformes
Underorden: Lari
Familie: Måsefamilien Laridae
Vigors, 1825
Underfamiliar
Anoinae
Gyginae
Larinae
Rynchopinae
Sterninae

Måsefamilien, Laridae, er ein biologisk familie av måsar, terner og saksenebbar som tilhører ordenen vade-, måse- og alkefuglar. Artane i familien førekjem over heile verda, men i liten grad ved Antarktis. Mange artar i familien er kystfuglar, men nokre artar lever i innlandet, i elvar, innsjøar og på våtmarker, men somme er òg periodevis knytt til menneske. Dei to måsane i slekta Rissa, krykkje og raudfotkrykkje, samt sabinemåse kan treffast på opent hav.

Artane i denne familien har symjehud på føtene og nebbet manglar cere, vokshud på overnebbet. Nasebora er på eller over midten av nebbet. Horndekket på nebbet er ikkje delt slik som hos stormfuglar. I absolutt eit fleirtal av artane er kjønna like. Fjørdrakta hos dei fleste artene av terner og måsar er vanlegvis hovudsakleg kvit og grå med innslag av svart, men somme har mørke fjørdrakter. Sommardrakter vil ofte avvike frå vinterdrakta. Ungfuglar har varierande grad av spraglete brun og grå fjørdrakt.

Oversyn over slekter[endre | endre wikiteksten]

Ørkenmåse, Leucophaeus modestus
Foto: Dick Culbert
Dvergterne, Sternula albifrons
Foto: Agustín Povedano
Langnebbterne, Thalasseus elegans
Foto: Kevin Cole
Inkaterne, Larosterna inca
Foto: Cristóbal Alvarado Minic
Kaliforniasvartbak, Larus occidentalis
Foto: Wikimedia-brukar Dori

Måsefamilien (Laridae), underfamiliar og slekter i rekkjefølgje etter IOC World Bird List V13.1, 2023,[1] med norske artsnamn etter Norske navn på verdens fugler.[2] Underfamiliar er etter HBW and BirdLife Taxonomic Checklist.[3]

Anoinae, noddyar

  • Slekt Anous, fem tropiske noddyar, verdsomspennande distribusjon

Gyginae, silketerne

  • Slekt Gygis, silketerne, Gygis alba, lita, kvit terne med utbreiing på øyar i tropiske hav

Larinae, måsar

Rynchopinae, saksenebbar

  • Slekt Rynchops, tre artar saksenebbar, terneliknande fuglar i tropisk og subtropisk Amerika, Afrika og Sør-Asia

Sterninae, terner

Kjelder[endre | endre wikiteksten]

Referansar[endre | endre wikiteksten]

  1. Gill, Frank; Donsker, David; Rasmussen, Pamela, red. (January 2023). «Hummingbirds». IOC World Bird List Version 13.1. International Ornithologists' Union. Henta 6. juli 2023. 
  2. Norsk navnekomité for fugl (NNKF). «Norske navn på verdens fugler». Birdlife Norge. Henta 6. juli 2023. 
  3. «HBW and BirdLife Taxonomic Checklist». BirdLife Data Zone (version 7 utg.). BirdLife International. Desember 2022. Henta 6. juli 2023. 

Bakgrunnsstoff[endre | endre wikiteksten]

Wikimedia Commons har multimedia som gjeld: Måsefamilien