Namur
| Namur | |||||
|---|---|---|---|---|---|
 | |||||
| |||||
| Styresmakter | |||||
| Land Region Provins |
Belgia Vallonia Namur | ||||
| Geografi | |||||
| Flatevidd | 175,69 km² | ||||
| Flatevidd - By |
175,69 km² | ||||
| Innbyggjarar - By (2006) - folketettleik |
107 178 610/km² | ||||
| Koordinatar | 50°28′9.84″N 4°52′8.04″E / 50.4694000°N 4.8689000°E | ||||
| Diverse anna | |||||
| Heimeside: www.ville.namur.be | |||||
Namur (Nameûr på vallonsk, Namen på nederlandsk) er ein by og kommune i Vallonia i Belgia, og hovudstad i provinsen Namur. Namur ligg der elvene Sambre og Maas renn i hop. Folkesetnaden er hovudsakleg fransktalande.
Historie
[endre | endre wikiteksten]
Namur oppstod som hovudstad i eit grevskap på 900-talet. Byen starta som ein handelsstad for keltarane, men Namur vart først viktig i mellomalderen då merovingarane bygde eit slott eller citadell på knausen oppfor staden der dei to elvane renn i hop. Området kom under greven av Flandern i 1262 og under Burgund i 1420. Namur har ei strategisk plassering, og har vore omleira i fleire krigar.
Næring
[endre | endre wikiteksten]Namur er ein viktig kommersiell og industriell by som produserer maskineri, lêrvarer, metall og porselen. Han er òg eit viktig jarnbaneknutepunkt mellom Brussel og Luxembourg by, og mellom Lille og Liège. Skipstrafikk på elva Maas passerer midt gjennom byen.
Det største turistmålet i byen er citadellet, som no er demilitarisert og open for allmenta. Byen har òg ein årleg ølfestival i påska. I Namur ligg òg katedralen St. Aubain frå midten av 1700-talet og eit klokketårn som står på UNESCO si verdsarvliste. Kjøthallen frå 1588 er gjort om til arkeologisk museum.
Namur har eit franskspråkleg universitet som blei grunnlagd i 1831.
Kjende folk frå Namur
[endre | endre wikiteksten]- Blanka av Namur, norsk og svensk dronning
- Félicien Rops (1833-1898), biletkunstnar
- François Bovesse (1890-1944), liberal minister og guvernør
- Henri Michaux (1899–1984), forfattar
- Francy Boland (1929-2005), jazzmusikar og komponist
- Rémy Belvaux (1967-2006), skodespelar, regissør og produsent
- Cécile de France (f. 1975), skodespelar
Bakgrunnsstoff
[endre | endre wikiteksten]Kjelder
[endre | endre wikiteksten]- Denne artikkelen bygger på «Namur, Belgium» frå Wikipedia på engelsk, den 18. februar 2007.
- Delar av denne artikkelen bygger på «Namur» frå Wikipedia på nederlandsk, den 5. mars 2013.
- Namur – by (28.02.2013) i Store norske leksikon