Neftejugansk

Neftejugansk
Нефтеюганск
by
Flagg Våpenskjold
Land	Russland
Føderasjonssubjekt	Khanty-Mansia
Høgd	40 m
Areal	154 km²
Folketal	126 690 (1. januar 2024)
Grunnlagd	1961
•  Bystatus	1967
Postnummer	628300–628312
Retningsnummer	(+7)3463
Neftejugansk 61.1°N 72.6°E / 61.1; 72.6
Wikimedia Commons: Nefteyugansk

Neftejugansk (russisk Нефтеюга́нск) er ein by i Khanty-Mansia i Russland med om lag 125 000 innbyggjarar. Han ligg ved ei forgrening av elva Ob, 50 km sørvest for Surgut og 200 km aust for Khanty-Mansijsk.

Namnet på byen kjem frå det russiske nefte, som tyder 'olje', og jugansk, som er avleidd av eit khantisk namn på ei lita elv nær byen.

Historie

Byen vart grunnlagt i 1967, etter at det vart oppdaga eit oljefelt i 1961. Den viktigaste og einaste store verksemda i byen er Juganskneftegaz, som vart grunnlagd i februar 1966. Økonomien til byen er framleis petroleumsbasert og han var eit viktig senter for det russiske oljeselskapet YUKOS, som eigde Juganskneftegaz.

På grunn av låge lønningar i YUKOS' var byen mindre velståande enn Surgut og mange prøver å flytte til Surgut for å arbeide for eit anna kjent russisk oljeselskap, Surgutneftegaz. Det er derimot ikkje lett på grunn av store skilnader i bustadprisane i Neftejugansk og Surgut.

I juni 1998 vart borgarmeisteren i Neftejugansk, Vladimir Petukhov, skoten og drepen og ein Yukos-tilsett vart siktet for drapet. Petukhov var ein av kritikarane av Yukos. 20. september vart viseborgarmeisteren i byen, Dmitrij Jegortsev, angripen med kniv og skadd. Ein annan viseborgarmeister, Igor Gribanov, døydde i ein brann i heimen sin i 2006.

Frå januar 2005 høyrer Juganskneftegaz til det statlege oljeselskapet Rosneft.

Kjelder

• Denne artikkelen bygger på «Neftejugansk» frå Wikipedia på bokmål, den 7. januar 2009.

Bakgrunnsstoff

Commons har multimedium som gjeld: Neftejugansk

• Offisiell nettstad