Ole Ingebrigtsen Soelberg

Ole Ingebrigtsen Soelberg
	Ole Ingebrigtsen Soelberg
	;
Fødd	11. oktober 1798; Soknedal
Død	2. januar 1874 (75 år)
Statsborgar av	Noreg
Yrke	bonde, politikar
Barn	Lars Soelberg
Alle verv	stortingsrepresentant (1833–1835); ordførar i Strinda; stortingsrepresentant (1836–1838); stortingsrepresentant (1842–1844); stortingsrepresentant (1845–1847); vararepresentant til Stortinget (1848–1850); stortingsrepresentant (1851–1853); stortingsrepresentant (1854–1856); vararepresentant til Stortinget (1857–1858) ;

Ole Ingebrigtsen Soelberg (11. oktober 1798–2. januar 1874) var ein norsk gardbrukar og politikar frå Soknedal i Sør-Trøndelag. Han var stortingsmann i lang tid, møtte fyrste gongen i 1833 og siste gongen i 1854, samt ordførar i Strinda i fleire periodar. Han var far til Lars Soelberg.

Soelberg var fødd og oppvaksen på garden Søre Solberg i Soknedal. Sjølv tok han underoffiser-eksamen i 1818 i Trondheim. 1818-39 var han overjeger ved holtålske, seinare selbuske kompani av det trondhjemske nasjonale jegerkorps. Han var gardbrukar på farsgarden i Soknedal til 1835, kjøpte då garden Hegdalen i Strinda. Året etter selde han Hegdalen og kjøpte Øvre Rotvoll i same herad. Soelberg selde i 1860 Rotvoll-garden til amtet, som oppretta Rotvoll landbruksskule der (skulen vart flytta til Skjetlein i 1900), han kjøpte samstundes bruket Hesthagen ved Gløshaugen i Strinda.

Soelberg representerte Nordre Trondhjems amt på Stortinget 1833, 1836, 1836-37, 1842, 1845, 1851 og 1854. Han var medlem av militærkomiteen 1833, kyrkjekomiteen 1836, bevilgningskomiteen 1836-37, protokollkomiteen (1842 og 1845) og i 1842 komiteen om embetsgardar. Medlem av Lagtinget både 1851 og 1854, elles med i militærkomite nr. 2 i 1851 og vegkomiteen i 1854.

Soelberg var i ein mannsalder jamt ordførar i Strinda. Fyrste gongen 1839-41, og sidan 1843, 1847-49, 1856-57 og 1860. Han var også forlikskommissær og sparebankdirektør.

Kjelder

Lindstøl, Tallak: Stortinget og Statsraadet 1814-1914. Kristiania, 1914

Bakgrunnsstoff

Ole Soelberg hos Strinda historielag
Biografisk informasjon om Ole Ingebrigtsen Soelberg NSD Norsk senter for forskningsdatas politikararkiv