Sentimentai
| «Sentimentai» Song av Monika Liu | ||
 | ||
| Land | Litauen | |
| Språk | Litauisk | |
| Utgjeve | 18. januar 2022 | |
| Sjanger | Elektropop | |
| Lengd | 03:00 | |
| Selskap | Eige forlag | |
| Komponist | Monika Liubinaitė | |
| Tekstforfattar | Monika Liubinaitė | |
| Låtskrivar(ar) | Monika Liubinaitė | |
|---|---|---|
«Sentimentai» (norsk 'kjensler') er ein elektropop-ballade som er skriven og framført av den litauiske musikaren Monika Liu. Songen vann den litauiske songtevlinga Pabandom is naujo! 2022 og var det litauiske bidraget i Eurovision Song Contest 2022 i Torino i Italia.
Om songen[endre | endre wikiteksten]
«Sentimentai» er ein litauiskspråkleg popballade som er skriven av Monika Liubinaitė, kjend under artistnamnet Monika Liu. Låten handlar om ei kvinne som lever i fortida, og som berre lengtar etter og drøymer om ein romanse frå ungdomstida.[1][2] Songen er produsert av den britiske musikkprodusenten Miles James, og vart gjeven ut 18. januar 2022.[3]
Eurovision Song Contest[endre | endre wikiteksten]
I desember 2021 kunngjorde den litauiske ålmennkringkastaren Lietuvos nacionalinis radijas ir televizija at «Sentimentai» var blant deltakarane i songtevlinga Pabandom is naujo! 2022. Vinnaren fekk representere Litauen i Eurovision Song Contest.
«Sentimentai» deltok i den tredje delfinalen av Pabandom is naujo! 2022 22. januar 2022 og kvalifiserte seg til semifinalen og deretter vidare til finalen laurdag 12. februar 2022.[4] I finalen fekk songen toppoeng frå både juryane og sjåarane, og vann dimed heile tevlinga. Gjennom sigeren vart «Sentimentai» det litauiske bidraget til Eurovision Song Contest 2022.[5] Der enda songen på sjuandeplass i den fyrste semifinalen og til slutt på 14. plass i finalen.[6]
Dette var fyrste gongen sidan 1994 at Litauen stilte med eit bidrag på litauisk, og fyrste gongen sidan 1999 at landet deltok med eit av dei offisielle språka i Litauen. Bidraget frå 1999 vart nemleg framført på den litauiske dialekta samogitisk.[7]
Listeplasseringar[endre | endre wikiteksten]
| Liste (2022) | Høgaste plassering |
|---|---|
 Litauen (AGATA)[8]
|
1 |
 Storbritannia (UK Download (OCC))[9]
|
92 |
 Sverige Heatseeker (Sverigetopplistan)[10]
|
14 |
Kjelder[endre | endre wikiteksten]
- ↑ «Eurovision 2022 Lithuania: Monika Liu - "Sentimentai"». Eurovisionworld (på engelsk). Henta 5. mars 2022.
- ↑ «Paaiškėjo visi „Eurovizijos“ atrankos finalininkai: krito Vilija, pirma – Monika Liu». 15min.lt (på litauisk). Henta 5. mars 2022.
- ↑ «Sentimentai - Single by Monika LIU» (på engelsk). 18. januar 2022. Arkivert frå originalen 15. februar 2022. Henta 5. mars 2022.
- ↑ «Lithuania: Monika Liu wins Pabandom iš Naujo 2022 semi-final two». wiwibloggs (på engelsk). 5. februar 2022. Henta 5. mars 2022.
- ↑ «Monika Liu will take 'Sentimentai' to Eurovision for Lithuania 🇱🇹». Eurovision.tv (på engelsk). 12. februar 2022. Henta 5. mars 2022.
- ↑ «Monika Liu - Lithuania - Turin 2022». Eurovision.tv (på engelsk). Henta 19. mai 2022.
- ↑ «Lithuania's Monika Liu to perform at the Eurovision in Concert 2022». ESCXTRA.com (på engelsk). 4. mars 2022. Henta 5. mars 2022.
- ↑ «2022 4-os savaitės klausomiausi (TOP 100)». Agata (på litauisk). Henta 5. mars 2022.
- ↑ «Official Singles Downloads Chart Top 100 20 May 2022–26 May 2022». www.officialcharts.com (på engelsk). Official Charts Company. 26. mai 2022. Henta 19. juni 2022.
- ↑ «Veckolista Heatseeker, vecka 20». Sverigetopplistan (på svensk). Henta 19. juni 2022.
- Denne artikkelen bygger på «Sentimentai» frå Wikipedia på bokmål, den 3. desember 2022.