Severin Grande

Severin Grande (1869–1934) var ein norsk kunstmålar som måla bilde i ein fargerik, impresjonistisk stil.

Grande var fødd i Verdal. Han studerte kunst ved Statens håndverks- og kunstindustriskole og fekk opplæring av Eyolf Soot og seinare Erik Werenskiold og Harriet Backer. Han drog til Paris i 1905–06, var hjå Kristian Zahrtmann i København i 1906, og kom i 1907 tilbake til Paris der han blei elev av Christian Krohg og Henri Matisse. Severin Grande var deretter eitt år i Italia.

Nasjonalgalleriet eig tre måleri av Grande, som måla bybilde, interiør og landskap.

Kjelder