Stuberg
| Stuberg | |||
| stad | |||
| Land |  Noreg
| ||
|---|---|---|---|
| Fylke | Hordaland | ||
| Kommune | Fedje | ||
| Postnummer | 5947 FEDJE | ||
| Gardnummer | 168 | ||
Stuberg er ein gard på Fedje som høyrer til Nedrelandet. Nedrelandet omfattar den nedre delen av matrikkelgarden nr. 168, altså alle bruka utanom Kopper og Husa. I motsetnad til desse to vart Stuberg og dei andre bruka på Nedrelandet kalla plassar i skriftlege kjelder. Desse var både mindre og hadde dårlegare jord enn Kopper og Husa.
Den første delen av namnet kjem av det gammalnorske «stoð».[1] Dette tyder stolpe eller støtte, og kan vere knytt til det bratte berget der Stuberg ligg. Stuberg er ein av dei eldste gardane på Fedje og vart først nemnd i 1522.
Garden ligg sentralt ved hovudhamna mellom Muren, Grenda og Vika. I 1970 fekk Statens vegvesen ei tomt på garden og det vart bygd ferjekai for bilferja MF «Fedje». Sambandet var til Rossneset i Radøy og Hoplandssjøen i Austrheim fram til 1990, då det vart bygd nytt ferjeleie på Sævrøyna i Austrheim.
Kjelder
[endre | endre wikiteksten]- Arvid Skogseth (1997). Fedje og folket: Gards- og ættesoge for Fedje. Fedje kommune.
Fotnotar
[endre | endre wikiteksten]- ↑ Oluf Rygh (1910). Norske Gaardnavne 11. s. 426.