Susanne Sundfør

Susanne Sundfør under VG-Lista topp 20 i Stavanger

Foto: Jarle Vines

Susanne Aartun Sundfør (fødd 19. mars 1986) er ein rock- og folkartist frå Haugesund som skriv songar og syng sjølv.

Musikk

Susanne Sundfør har spelt både jazz og klassisk musikk, og har utvikla ein eigen blandingsstil med element frå begge. Ho blir ofte samanlikna med musikarar som Joni Mitchell og Carole King. Sundfør har henta inspirasjon frå desse, men òg frå folk som Jeff Buckley, Radka Toneff, Ane Brun og Thomas Dybdahl.

Tekstane hennar handlar ofte om personlege opplevingar (t.d. 'Africa, America', 'Time out, time', 'It's all gone tomorrow'), eller om samfunnsspørsmål (til dømes 'Opium').

Biografi

Ho blei fødd og voks opp i Haugesund, der gjekk ho musikklinja på Skeisvang vidaregåande skule. Musikaren bur og studerer for tida i Bergen, der ho òg speler, men har òg gjort fleire opptredenar i Oslo og Haugesund. Sommaren 2005 spelte ho med Tom McRae. I februar 2006 spelte ho på Bylarm i Tromsø, i 2007 på ByLarm i Trondheim. I 2007 debuterte ho med albumet Susanne Sundfør som ho vann Spellemannprisen 2007 i klassen beste kvinnelege artist for. Ho var også nominert til denne klassa i Spellemannprisen 2010, men trekte seg. Ho grunngav dette med at ho var skeptisk til at mannlege og kvinnelege artistar vart vurderte kvar for seg. Dette året var ho også nominert i klassen Årets populærkomponist, der ho vann.

Prisar og utmerkingar

• Spellemannprisen 2007 for plata Susanne Sundør i klassa Kvinneleg artist.
• Spellemannprisen 2010 for The Brothel i klassa Årets populærkomponist.
• Edvard-prisen 2011 for The Brothel i klassa Populærmusikk

Diskografi

Studioalbum

• Susanne Sundfør – (2007, Your Favourite Music/MBO)
• Take One – (2008, Your Favourite Music/Universal)
• The Brothel – (2010, EMI Norway)
• The Silicone Veil – (2012, EMI Norway)

Konsertalbum

• A Night At Salle Pleyel – (2011, EMI Norway)
• Singler
• Walls – (2006)
• White Foxes – (2012, EMI Norway)
• The Silicone Veil (single) – (2012, EMI Norway)

Musikkvideoar

• «The Brothel»
• «White Foxes»
• «The Silicone Veil»

Kjelder

• Denne artikkelen bygger på «Susanne Sundfør» frå Wikipedia på bokmål, den 25. mars 2013.

Bakgrunnsstoff

• Offisiell nettstad
• Side på MySpace