Tana museum

Frå Wikipedia – det frie oppslagsverket
Hopp til navigering Hopp til søk
Tana museum
StadTana

Tana museum
70°4′19″ N 28°0′17″ E

Tana museum (Deanu musea/Tenon museuo) er eit museum med fokus på den elvesamiske kulturen i Tanadalen. Det ligg i Polmak i Tana kommune, der kommunen kjøpte inn Polmak gjestgiveri i 1985 for å driva museum. Museet definerer elvesamisk kultur som ein kultur som spring ut av eit «særpreget næringsgrunnlag knytta tett til fiske, utmarks- og jordbruk.»[1]

Denne hornlua (ladjoen) frå Tana bleki kjøpt av Norsk folkemuseum i Oslo i 1909. Ho er tilbakeført til Tana museum (Deanu musea / Tenon museuo) gjennom bååstede-prosjektet.
Foto: Anne-Lise Reinsfeldt, Norsk folkemuseum
Kong Haakon VII i ein samisk elvebåt under sitt besøk i Tana i juli 1907. Den andre kroningsreisa til kongeparet gjekk til Nordland og Finnmark sommaren dette året.
Foto: Nasjonalbibliotekets bildesamling

Utesamlingane til museet består av hovudbygningen og tre andre hus knytte til gjestgjeveriet.[2] I tillegg finst det tre andre bygningar, med opphav i kvar sin kultur: Masjokhuset, Hormastabburet og Laksefiskehytta. Masjokhuset har opphav i den finske/kvenske kulturen i dalen, Hormastabburet er eit tradisjonelt samisk skjelterskjå, medan Laksefiskehytta blei bygga rundt 1870 for å husa vitjande lakselordar.

Museet har elles ei samling elvebåtar, og ei utstilling av samiske kofter frå Tana.

Tana museum tilhøyrer kommunen, og er ein del av Tana og Varanger Museumssiida, saman med tre andre museum i Aust-Finnmark.

Museet deltar i bååstedeprosjektet for tilbakeføring av samiske gjenstandar frå Norsk Folkemuseum og Kulturhistorisk museum til samiske museum.[3] Ein av gjenstandene tilbakeførte til Tanadalen er ei samisk hornlue.[4]

Kjelder[endre | endre wikiteksten]

  1. Om museet Arkivert 21. desember 2016 på Wayback Machine.; deatnu.org
    • Tana museum i kulturminnesok.no, nettstaden til Riksantikvaren
  2. Bååstede; norskfolkemuseum.no
  3. Bååstede Arkivert 26. august 2018 på Wayback Machine.; deatnu.org

Bakgrunnsstoff[endre | endre wikiteksten]

Commons-logo.svg Commons har multimedium som gjeld: Tana museum