The Busker
| The Busker | |||
.jpg) | |||
| Opphav | Malta | ||
|---|---|---|---|
| Aktiv | 2012– | ||
| Sjanger | folkrock, poprock, indiepop | ||
The Busker er eit maltesisk indiepopband som blei skipa i 2012. Bandet består av David «Dav.Jr» Grech, Jean Paul Borg og Sean Meachen. I februar 2023 vann gruppa den maltesiske songtevlinga Malta Eurovision Song Contest 2023 med låten «Dance (Our Own Party)». Som vinnarar representerte dei Malta i Eurovision Song Contest 2023.
Bakgrunn[endre | endre wikiteksten]
The Busker blei skipa i oktober 2012 som ein duo beståande av vokalist og gitarist Dario Genovese og perkusjonist Jean Paul Borg.[1] To år etter kom bassist og keyboardist David Grech og saksofonist Sean Meachen med i bandet. Dei er inspirert av band frå 1960-åra, som The Beatles og The Beach Boys. Gruppa byrja å få merksemd på Malta, då dei posta coverversjonar og originalmusikk på YouTube.[1] Debutalbumet Telegram blei sloppe i 2017, etterfølgt av Ladies and Gentlemen året etter. Genovese forlot gruppa i 2021, og sidan har The Busker bestått som ein trio.[2][3]
I november 2022 blei The Busker stadfesta som ein av 40 deltakarar i Malta Eurovision Song Contest 2023, den maltesiske uttakinga til Eurovision Song Contest.[4] Bandet deltok med songen «Dance (Our Own Party)» og kvalifiserte seg til finalen laurdag 11. februar 2023.[5] I finalen fekk dei flest poeng frå juryane og sjåarane, og fekk dimed retten til å representere Malta i Eurovision Song Contest 2023 i Liverpool.[6] Bandet deltok i den fyrste semifinalen tysdag 9 mai 2023. Der enda dei enda på sisteplass og kvalifiserte seg ikkje til finalen.[7]
Medlemmar[endre | endre wikiteksten]
- Noverande
- David «Dav.Jr» Grech – vokal, bass, keyboard
- Jean Paul Borg – trommar
- Sean Meachen – saksofon
- Tidlegare
- Dario Genovese – vokal, gitar
Diskografi[endre | endre wikiteksten]
Studioalbum[endre | endre wikiteksten]
- 2017 – Telegram
- 2018 – Ladies and Gentlemen
EP-ar[endre | endre wikiteksten]
- 2021 – X
Referansar[endre | endre wikiteksten]
- ↑ 1,0 1,1 «TheBusker». eurovision.tv (på engelsk). Henta 18. mai 2023.
- ↑ «TheBusker | ‘Paul McCartney... he’s the person who inspired me to write songs’». MaltaToday.com.mt (på engelsk). Henta 12. februar 2023.
- ↑ «TheBusker: ”Dance (Our Own Party) is a funky tune mixed with The Busker’s signature sound”». ESCBubble (på engelsk). Henta 12. februar 2023.
- ↑ Washak, James (21. november 2022). «Malta: Malta Eurovision Song Contest 2023 Quarter Finalists Announced». Eurovoix (på engelsk). Henta 12. februar 2023.
- ↑ Granger, Anthony (10. februar 2023). «Malta: Malta Eurovision Song Contest 2023 Finalists Selected». Eurovoix (på engelsk). Henta 12. februar 2023.
- ↑ Waarden, Franciska van (11. februar 2023). «Malta: The Busker to Eurovision 2023». Eurovoix (på engelsk). Henta 12. februar 2023.
- ↑ «FirstSemi-Final of Liverpool 2023 - Eurovision Song Contest». eurovision.tv. Henta 18. mai 2023.
- Denne artikkelen bygger på «The Busker» frå Wikipedia på bokmål, den 6. desember 2023.