Tick-Tock av Albina Grčić
| «Tick-Tock» Song av Albina Grčić | ||
| Land | Kroatia | |
| Språk | Engelsk, kroatisk | |
| Utgjeve | 13. februar 2021 | |
| Sjanger | Elektropop | |
| Lengd | 03:00 | |
| Selskap | Universal Music Croatia | |
| Låtskrivar(ar) | Branimir Mihaljević, Max Cinnamon, Tihana Buklijaš Bakić | |
|---|---|---|
| Produsent | Branimir Mihaljević | |
«Tick-Tock» er ein song frå 2021 som vert framført av den kroatiske songaren Albina Grčić. Songen er skriven av Branimir Mihaljević, Max Cinnamon og Tihana Buklijaš Bakić og vart utgjeven 13. februar 2021 gjennom Universal Music Croatia. «Tick-Tock» vann den kroatiske songtevlinga Dora 2021 og var det kroatiske bidraget i Eurovision Song Contest 2021 i Rotterdam i Nederland.
Om songen[endre | endre wikiteksten]
«Tick-Tock» var eit av fjorten bidrag som vart plukka ut av kringkastaren HRT til å delta i Dora 2021. Dora er ein årleg kroatisk songtevling der vinnaren får representere landet i Eurovision Song Contest.
«Tick-Tock» er komponert av Branimir Mihaljević, medan Max Cinnamon har skrive den engelske teksta, og Tihana Buklijaš Bakić den kroatiske teksta. Songen vart fyrste gong offentleggjord laurdag 13. februar 2021, då han vart framført i Dora. Songen vart utgjeven for strøyming og digital nedlasting same dag gjennom Universal Music Croatia.
Eurovision Song Contest[endre | endre wikiteksten]
«Tick-Tock» vart send inn til HRT hausten 2020 for vurdering til songtevlinga Dora året etter. 15. desember 2020 kunngjorde kringkastaren at songen var blant dei 14 bidraga som skulle delta i Dora laurdag 13. februar 2021, med Albina Grčić som vokalist.[1][2] I finalen vann Grčić og «Tick-Tock» både jury- og telefonavrøystinga og vann tevlinga samanlagt med 198 poeng. Han vart dimed det kroatiske bidraget til Eurovision Song Contest 2021.[3]
«Tick-Tock» deltok i den fyrste semifinalen i Rotterdam Ahoy tysdag 18. mai. Der enda songen på ellevteplass med 110 poeng, berre 5 poeng bak Noreg og «Fallen Angel» med TIX.[4] Berre dei ti beste kvalifiserte seg, og Kroatia avanserte dimed ikkje til finalen laurdag 22. mai.[5][6]
Listeplasseringar[endre | endre wikiteksten]
| Liste (2021) | Høgaste
plassering |
|---|---|
| Kroatia (HR Top 40)[7] | 1 |
| Litauen (AGATA)[8] | 48 |
| Nederland (Single Tip)[9] | 24 |
Utgjevingshistorikk[endre | endre wikiteksten]
| Region | Dato | Format | Merke | Kjelde |
|---|---|---|---|---|
| Diverse | 13. februar 2021 | Digital nedlasning, strøyming | Universal Music Croatia | [10] |
Kjelder[endre | endre wikiteksten]
- ↑ «Objavljen natječaj za Doru 2021, uvodi se nekoliko promjena» (på kroatisk). Večernji list. 26. oktober 2020. Henta 13. februar 2021.
- ↑ «Rezultati natječaja za Doru 2021.» (på kroatisk). 15. desember 2020. Henta 13. februar 2021.
- ↑ «Albina clocks up a win in Croatia with Tick-Tock» (på engelsk). 13. februar 2021. Henta 14. februar 2021.
- ↑ «First Semi-Final of Rotterdam 2021» (på engelsk). Henta 13. august 2021.
- ↑ «Croatia: Albina wins Dora 2021 with "Tick-Tock" to book her place at Eurovision» (på engelsk). 13. februar 2021. Henta 14. februar 2021.
- ↑ «Croatia misses out on Eurovision Grand Final after semi-finals | Croatia Week» (på engelsk). 18. mai 2021. Henta 21. mai 2021.
- ↑ «HRtop40 08. tjedan 2021. (15.02.2021. – 21.02.2021.)» (på kroatisk). 28. februar 2021. Henta 19. mars 2021.
- ↑ «2021 21-os SAVAITĖS (gegužės 21-27 d.) SINGLŲ TOP100» (på litauisk). AGATA. 28. mai 2021. Arkivert frå originalen 28. mai 2021. Henta 28. mai 2021.
- ↑ «Albina – Tick-Tock». Henta 2. juni 2021.
- ↑ «Tick-Tock by Albina on Amazon Music». 13. februar 2021. Henta 13. februar 2021.
- Denne artikkelen bygger på «Tick-Tock (Albina-sang)» frå Wikipedia på bokmål, den 17. desember 2021.