Umm al-Qaiwain

Frå Wikipedia – det frie oppslagsverket
Gå til: navigering, søk
Koordinatar: 25°59′11″N 55°56′24″E
Umm al-Quwain
إمارة أمّ القيوين
Emirat
flagg
Land Flag of the United Arab Emirates.svg Dei sameinte arabiske emirata
Koordinatar 25°59′11″N 55°56′24″E
Areal 755 km²
Folketal 72 000 (2007)
Folketettleik 95 / km²
Emir Saud bin Rashid Al Mu'alla
Tidssone UAE standardtid (UTC+4)
Umm al-Quwain in United Arab Emirates.svg
Wikimedia Commons: Umm al-Quwain (emirate)

Umm al-Quwain (arabisk أمّ القيوين) er det minst folkerike av dei sju emirata i Dei sameinte arabiske emirata. Namnet tyder to makters morarabisk. Emiratet ligg nord i landet og vert styrt av Saud bin Rashid Al Mu'alla. Emiratet har over 70 000 innbyggjarar og eit areal på 750 km².

Historie[endre | endre wikiteksten]

Umm al-Quwain har mange arkeologiske funn, mellom anna ved Tell Abraq og Al Dour.[1] Her har ein funne pilspissar og andre polerte flintreiskap, i tillegg til keramikk frå Ubaid. Dette tyder på kontakt med Mesopotamia så tidleg som 4000-talet fvt.

I bronsalderen (3000–1300 fvt.), budde halvnomadiske folk i regionen. Dei flytta seg i grupper få stad til stad og fann tømmer frå akasietre til å smelte kopar. Metallet vart sendt til alle dei viktige hamnebyane i Persiabukta, og Umm Al Nar var ein av dei. Handelen med Mesopotamia førte etter kvart til velstand i regionen.

I bronsalderen blømde jordbruket og dadlar var den viktigaste avlinga. Det vart òg dyrka kveite, hirse og anna korn når det var nok vatn til vatning. Ein trur at klimaet på den tida var meir temperert enn no. I Umm al-Nar-perioden (2500–2000 fvt.), vart det bygd bygningar og festningstårn i Umm Al Quwain. Dei mest vanlege bygningane frå denne tida er sirkelforma graver.

Den moderne historia til Umm Al Quwain byrja kring 200 år sidan, då Al Ali-stamma flytta frå hovudstaden sin frå Al-Sinniyah-øya til den noverande staden midt på 1700-talet, då det vart mangel på vatn. I 1775 grunnla sjeik Majid Al Mualla, som starta Al Mu’alla-linja til Al Ali-stamma, eit sjølvstendig sjeikdøme i Umm al-Quwain.

Den 8. januar 1820 signerte sjeik Abdullah I ein avtale med Storbritannia, og aksepterte dermed britane sitt proktektorat for å halde dei osmanske tyrkarane borte. Som Ajman, Dubai, Ras al-Khaimah og Sharjah var plasseringa deira ved handelsruta til India viktig nok til at dei vart rekna som ein saluttstat med tre saluttsalvar.

I 1903 kartla Lorimer Traktatkysten og Umm Al Qawain hadde då 5 000 innbyggjarar og vart rekna som eit viktigs enter for båtbygging på kysten. Dei produserte kring 20 båtar i året, samanlikna med 10 båtar i Dubai og fem i Sharjah.[2]

Den 2. desember 1971 vart sjeik Ahmad II med naboemirata Abu Dhabi, Dubai, Sharjah, Ajman og Fujairah og danna Dei sameinte arabiske emirata, medan Ras Al Khaimah kom til tidleg i 1972.

Regentar i emiratet har vore:

  • 1775–17?? sjeik Majid Al Mu'alla
  • 17??–1816 sjeik Rashid I bin Majid Mu'alla
  • 1816–1853 sjeik Abdullah I bin Rashid Al Mu'alla
  • 1853–1873 sjeik Ali bin Abdullah Al Mu'alla
  • 1873 – 13. juni 1904 sjeik Ahmad I bin 'Abd Allah Al Mu'alla (f. 18?? – d. 1904)
  • 13. juni 1904 – august 1922 sjeik Rashid II bin Ahmad Al Mu'alla (f. 1875 – d. 1922)
  • August 1922 – oktober 1923 sjeik 'Abdallah II bin Rashid Al Mu'alla
  • Oktober 1923 – 9. februar 1929 sjeik Hamad bin Ibrahim Al Mu'alla
  • 9. februar 1929 – 21. februar 1981 sjeik Ahmad bin Rashid Al Mu'alla (f. 1904 – d. 1981)
  • 21. februar 1981 – 2. januar 2009 sjeik Rashid bin Ahmad Al Mu'alla (f. 1930 – d. 2009)
  • 2. januar 2009 sjeik Saud bin Rashid Al Mu'alla

Klima[endre | endre wikiteksten]

Frå november til mars er middeltemperaturen 26 ºC om dagen og 15 º om natta, men kan stige til over 40 ºC [3] om sommaren og når fukta er høg. Det kjem særs lite nedbør, i snitt 42 mm i året. Kystlinja har ein avkjølande solgangsbris om dagen.

Kjelder[endre | endre wikiteksten]

  1. Archaeologists strike gold in Umm Al Quwain, Gulfnews, May 17, 2009, http://gulfnews.com/news/gulf/uae/heritage-culture/archaeologists-strike-gold-in-umm-al-quwain-1.69034, henta September 2014 
  2. Lorimer, John (1906). Gazeteer of Gulf of Persia, Oman and Central Arabia. UK: Government of India. ss. 1441. 
  3. «Umm Al Quwain Weather». yagulf.com. http://yagulf.com/uae/umm-al-quwain-weather/. 

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Umm al-Qaiwain

Wikivoyage-Logo-v3-icon.svg Reiseguide for Umm al Quwain frå Wikivoyage

Mal:Umm al-Quwain