Afarregionen

Frå Wikipedia – det frie oppslagsverket

Afar er eit av dei ni distrikta (kililoch) i Etiopia. Det tidlegaste namnet til distriktet var Region 2. Hovudstaden er Asayita med avløysaren Semera, på motorvegen mellom Awash og Assab, under bygging.

Innhaldsliste 1 Demografi 2 Geografi 3 Administrative distrikt 4 Bakgrunnsstoff 5 Kjelder

[endre] Demografi

I følge tal frå Central Statistical Agency i Etiopia har Afar eit estimert folketal på 1 389 004 (2005), 90,9 % av dei busette på landsbyga.

Afar er det viktigaste språket i regionen og blir tala av 90,8 % av innbyggjarane. Andre store språk er amharisk (6,68%), tigrinya (0,74%), oromo (0,68%), argobba (0,4%) og wolaitigna (0,26%).^[1]

[endre] Geografi

I regionen finn ein Afarsenkingam, eit lågtliggande, varmt og tørt område danna som eit møtepunkt mellom tre jordskorpeplater. Det var i Hadar]i Afarsenkinga at ein fann «Lucy»-skjelettet, eit over tre millionar gammalt skjelett av ei Australopithecus afarensis-kvinne, det eldste og mest fullstendige skjelettet som er funne av tidlege menneske i Afrika. I regionen er det funne fleire andre skjelettdelar av ulike mennesketypar, og tidlege steinverktøy.

[endre] Administrative distrikt

Som dei andre regionane i Etiopia er Afar delt inn i mindre administrasjonsområde. Desse har ikkje namn, men blir kalla administrasjonssone 1-5. I tillegg har området ein argobba-woreda.

[endre] Bakgrunnsstoff

• Map of Afar Region at UN-OCHA (PDF file)

[endre] Kjelder

• Engelsk wikipedia

Inndeling av Etiopia
Regionar
Afar | Amhara | Benishangul-Gumaz | Gambela | Harari | Oromia | Somali | Den sørlege regionen | Tigray
Byar med eigen status
Addis Ababa | Dire Dawa