Agnieszka Grochowska
Agnieszka Grochowska (fødd 31. desember 1979) er ei polsk skodespelarinne.
[endre] Karriere
Grochowska studerte skodespel i Warszawa der ho vart uteksaminert i 2002. Etter dette vart ho medlem i Teatr Studio i byen, der ho m.a. spelte i Amadeus av Peter Shaffer. Den fyrste filmen ho spelte i var Alarm frå 2002. Sidan har ho spelt i fleire store polske filmar. Grochowska snakkar flytande tysk, og har allereie spelt i to tyske kinoproduksjonar også; Unterwegs (2004) og Nimm dir dein Leben (2005). Ho har vore Shooting Star under filmfestivalen i Berlin.
I 2009 spelte ho den kvinnelege hovudrolla i den norske filmen Upperdog av Sara Johnsen. For denne rolla vart ho tildelt Amandaprisen for 2010 i klassen Beste kvinnelege hovudrolle. I 2011 er Grochowska aktuell med heile 4 polske filmproduksjonar. [1]
[endre] Kjelder
- Denne artikkelen byggjer på «Agnieszka Grochowska» frå Wikipedia på tysk, den 25. november 2011.
