Aron

Sjå òg øvstepresten Aron

Aaron Burr, amerikansk revolusjonshelt og visepresident.

Statue av den ungarske nasjonalhelten Áron Gábor.

Aron er eit mannsnamn av jødisk opphav med uviss tyding. Det blir også skrive Aaron. Aron har namnedag i Noreg den 1. april.

Tyding

Det hebraiske Ahărōn (אהרן) har ukjend tyding. Tolkingar seier det tyder 'martyrberar', 'opphøgd', 'høgt fjell' eller 'styrkefjell'. Det kan òg stamma frå gammalegyptisk aha rw, 'krigar-løve'.

Bruk

Namnet er kjent i Noreg frå om lag 1340.

I 2009 var det 799 menn som heitte Aron i Noreg. Bruken av namnet har vore i kraftig vekst i 2000-åra.

Portrett av den første lovleg praktiserande jøden i Sverige, Aaron Isaac.

Namneberarar

• Øvstepresten Aron, den eldre broren til Moses ifølge Bibelen
• Aaron Isaac eller Aron Isak (1730–1816), tysk-svensk kjøpmann, grunnleggjar av det jødiske trussamfunnet i Stockholm
• Aaron Burr (1756–1836), amerikansk revolusjonshelt og visepresident
• Áron Gábor (1814–1849), ungarsk offiser og nasjonalhelt
• Aaron Aaronsohn (1876–1919), rumensk-israelsk agronom, botanikar og sionist
• Aaron Copland (1900–1990), amerikansk komponist.
• Aron Gurwitsch (1901–1973) litauisk-amerikansk filosof
• Aaron Beck (f. 1921), amerikansk psykiater, utvikla kognitiv terapi
• Aaron Spelling (1923–2006), amerikansk film- og fjernsynsprodusent
• Elvis Aaron Presley (1935–1977), amerikansk songar
• Aaron Teitelbaum (f. 1948), hovudrabbinar for satmar-hasidane i Kiryas Joel i New York.
• Aaron Eckhart (f. 1968), amerikansk skodespelar
• Aaron Stanford (f. 1976), amerikansk skodespelar
• Aaron Carter (f. 1987), amerikansk songar
• Aaron Lennon (f. 1987), engelsk fotballspelar

Kjelder

• Denne artikkelen bygger på «Aron (navn)» frå Wikipedia på bokmål, den 1. april 2009.
• Spørjekassa om namn

• Søk etter norsk namnestatistikk for Aron hjå Statistisk Sentralbyrå