Baruk

Baruk, òg skrive Baruck og Barukh er eit mannsnamn med opphav i det hebraiske ordet בָּרוּךְ , ‘velsigna’. Namnet er i nær slekt med namnet Mubarak, òg skrive Barak, og som i arabisk har same tydinga.

Kjende namneberarar

• Baruch Spinoza (1632 - 1677), nederlandsk-jødisk filosof
• Baruch S. Blumberg (1925 - 2011), lækjar og nobelprisvinnar frå USA

Bruken av namnet i Noreg

Namnet har aldri vore vanleg i Noreg:

• I 1801 var det etter folketeljinga tre som var manntalsført med dette namnet, i forma «Baruch» eller «Baruc», alle budde i Skogn.
• I 1900 var det etter folketeljinga berre ein som var manntalsført med dette namnet, i forma «Baruch», han var dansk jøde og budde i Bergen.
• I 2008 har ikkje SSB opplysningar om nokon med dette namnet.

Baruk som bibelsk namn

• Baruk, son til Sakkai, som var med å vøle muren kringom Jerusalem.
• Baruk, son til Kol-Hose og far til Ma’aseja, ein hovding av Juda-ætta i Jerusalem.
• Baruk Neriason ar skrivar for profeten Jeremia. Baruks bok inngår blant dei apokryfe skriftene.

Sjå òg:

• Søk etter norsk namnestatistikk for Baruk hjå Statistisk Sentralbyrå
• Folketeljingar i Digitalarkivet