Blodpølse

Frå Wikipedia – det frie oppslagsverket
Gå til: navigering, søk
Blodpølse, spansk type

Blodpølse/blodpølsa er ein matrett som inneheld dyreblod.

Den vert laga ved at ein lagar ei røre som vert hatt i eit ilåt og kokt. Til ilåtet har det tradisjonelt vorte brukt godt reingjord dyremage, som har vorte sydd til ein pose. I dag får ein kjøpt ferdig blodpølse som er kokt i ilåt av plaststoff.

Oppskrifta er noko varierande. Røra kan vere laga av dyreblod, vatn, poteter, grynmjøl, kveitemjøl, salt, pepar, sukker, allehande og sirup. Det har og vore vanleg å ha netjetalg i blodpølsa. Når ilåtet er passe fullt, vert det attsydd og kokt. Store blodpølser treng opp til 2 timar koketid.

Før heimefrysarar var vanleg, kunne den ferdige pølsa verte lagra i kornbingen.