Brynjulf Bull
| Brynjulf Bull | |||
.jpg) | |||
| Fødd | 17. oktober 1906 Christiania | ||
|---|---|---|---|
| Død | 18. juni 1993 (86 år) | ||
| Statsborgar av | Noreg | ||
| Parti | Arbeidarpartiet | ||
| Yrke | politikar, dommar, advokat | ||
| Utdanna ved | Universitetet i Oslo | ||
| Barn | Bernt Bull | ||
| Alle verv |
| ||
Brynjulf Friis Bull (fødd 17. oktober 1906 i Oslo, død 18. juni 1993) var ein norsk jurist, høgsterettsadvokat og politikar for Arbeidarpartiet, oppvaksen på Alfaset.
Oppvekst og utdanning
[endre | endre wikiteksten]Brynjulf Bull vart fødd i Kristiania som ein av fleire søner til forretningsmannen Trygve Bull og Sally, fødd Friis. Ein av brørne hans var Trygve Bull. På farssida tilhøyrde familien den trønderske slekta Bull.[1] Etter skulegang på Fru Nielsens Latin- og realskole tok han examen artium ved Oslo katedralskole i 1925 og byrja deretter på jusstudiar ved Universitetet i Oslo.
Som student vart han med i den kommunistiske akademikargruppa Mot Dag og organisasjonen Clarté, som var meir internasjonalt orientert, men i Noreg nært knytt til Mot Dag. Han vart leiar for Clarté i 1933. I 1935 var han leiar for Det Norske Studentersamfund.
Bull var interessert i skodespelarkunst og tok del både som skodespelar og som leiar i Studentersamfundets Theater ved Det Norske Studentersamfund.
Han tok juridisk embetseksamen i 1930.
Karriere
[endre | endre wikiteksten]
I 1933 etablerte Bull sin eigen advokatpraksis der han mellm anna tok saker for fagrørsla og straffesaker. Under krigen arbeidde han for fagrørsla til at han vart arrestert av tyskarane og sat fengsla blant anna på Grini frå 1942 til 1944.
Han var statsadvokat for landssviksaker 1945–47. Bull var ordførar i Oslo 1952–1975, bortsett frå i periodane 1956–1959 og 1962–1963. Frå 1953 til 1963 var han leier i Arbeidsretten.[2]
Etter at Mot Dag gjekk inn i Arbeidarpartiet vart òg Brynjulf Bull engasjert der. Han vart vald inn i Oslo kommunestyre i 1945. I 1948 vart han varaordførar og i 1952 ordførar. Ordførarposisjonen hadde han til 1975 bortsett frå i periodane 1956-1959 og 1962-1963.
I 1966 var han sentral i løysinga av «teaterstreiken». Bull var pådrivar for, og første styreleiar i, Oslo Konserthus. I Oslo er vestre del av Rådhusplassen oppkalla etter han.
Han mottok St. Hallvard-medaljen i 1976.[3]
Familie
[endre | endre wikiteksten]Bull var frå 1937 gift med Ruth Bernhardina Øgrim og er far til tidlegare statssekretær Bernt Bull. Politikaren, forfattaren og skulemannen Trygve Bull var bror hans.
Referansar
[endre | endre wikiteksten]- ↑ Terje Bratberg. «Den trønderske slekten Bull». Store norske leksikon. Henta 8. september 2012.
- ↑ «Ledere i Arbeidsretten». Arbeidsretten. Arkivert frå originalen 16. mars 2012.
- ↑ «Tidligere mottakere av St. Hallvard-medaljen». Arkivert frå originalen 10. januar 2014.
- Denne artikkelen bygger på «Brynjulf Bull» frå Wikipedia på bokmål, den 20. september 2018.
Bakgrunnsstoff
[endre | endre wikiteksten]- Brynjulf Bull i Store norske leksikon.