Cecilia av Simon & Garfunkel

Frå Wikipedia – det frie oppslagsverket
Gå til: navigering, søk
Cecilia
Singel av Simon & Garfunkel
frå albumet Bridge over Troubled Water
B-side «The Only Living Boy in New York»
Utgjeve april 1970
Innspelt 1969
Sjanger Rock
Lengd 2:54
Selskap Columbia Records
Låtskrivar(ar) Paul Simon
Produsent Roy Halee
Paul Simon
Art Garfunkel

«Cecilia» er ein song skriven av Paul Simon og framført av Simon & Garfunkel for Bridge Over Troubled Water frå 1970. Songen vart òg gjeven ut som singel og denne nådde fjerdeplassen i USA. Singelen gjekk ikkje inn på listene i Storbritannia, trass i at han var oppfølgjaren til den store hitten «Bridge over Troubled Water».

Cecilia frå tittelen vert generelt tolka til å vere ein lunefull kjæraste, som skapar både smerte og glede hos songaren. Ei anna tolking[1] er at Cecilia kan vise til St. Cecilia, ein vernehelgen for musikk i den katolske kyrkja, og at songen kan referere til frustrasjonen kring mangelen på inspirasjon til å skrive songar. St. Cecilia er nemnd i ein annan Paul Simon-song, «The Coast» frå The Rhythm of the Saints i 1990: «A family of musicians took shelter for the night in the little harbor church of St. Cecilia.»

Andre versjonar[endre | endre wikiteksten]

Den fransktalande amerikanske musikaren Joe Dassin song ein fransk versjon av songen i 1970. Andre versjonar er gjort av Times Two i 1988 og Suggs i 1995. Sistnemnde vart populær i Storbritannia og nådde heilt opp til fjerdeplass med over ein halv million selde singlar.[2]

Dei første taktane av songen er sampla fleire gonger i songen «Midlife Crisis» av Faith No More frå Angel Dust. Songen vart gjeven ut som singel og nådde 10. plass i Storbritannia i 1992.

I 1998 gav det svenske popbandet Ace of Base ut ein Europop-song kalla «Cecilia» frå albumet Flowers, som held fram historia om karakteren til Paul Simon.

I den siste episoden av The Sopranos nyttar Paulie Walnuts ein teknoversjon av songen som ringetone på mobilen sin.

Kjelder[endre | endre wikiteksten]

  1. Cecilia will put song in your heart, Ideally Speaking (Jerry Johnston), Deseret News, 14 november 2009, s. E1.
  2. Suggs interview at Question of Pop, BBC