Digitalt fortalt

Digitalt fortalt er ein nettstad for personlege forteljingar om kulturarv og kulturminne. Dette nasjonale formidlingstilbodet vart lansert 3. februar 2009 som eit ledd i tidlegare ABM-utvikling si satsing i Kulturminneåret 2009. Frå 1. januar 2011 vart ABM-utvikling slått saman med Norsk kulturråd. Kulturrådet har ansvaret for Digitalt fortalt, men brukar og bidragsytarar frå heile landet står for innhaldet.

Alle registrerte brukarar kan laste opp personlege digitale forteljingar. Ein finn i dag over 3000 forteljingar frå heile Noreg på nettsida, i kategoriar som spenner frå arkeologi og historie via språk, media og teikneseriar til fleirkultur og minoritetar.

Mål[endre | endre wikiteksten]

Målet med Digitalt fortalt er:

å bygge opp ein base av forteljingar som viser breidde og variasjon innanfor kulturminne og kulturarv
å legge til rette for at mange og ulike stemmer kjem til orde
meir fokus på og interesse for kulturminne
meir bruk av digitale verktøy og nettformidling innanfor ABM-sektoren (arkiv, bibliotek og museum)

Datasett[endre | endre wikiteksten]

Ei digital forteljing inneheld desse data:

sjølve forteljinga - ein kombinasjon av tekst, bilete, animasjon, illustrasjon og lyd.
stadfesting - til kommune, adresse, stadnamn eller koordinatar
eventuelle brukarkommentarar til forteljinga
kategoriar og emneord

Data frå Digitalt fortalt er tilgjengelige via Norvegiana sin API. Dette APIet leverer data om enkeltobjekt i xml, json eller kml-format. Ein stor del har vorte stadfesta med koordinatar (geografiske desimalgrader og UTM 33). APIet er ope.^[1]