Dingle i Bohuslän
Dingle er ein tettstad i Munkedals kommun i Västra Götalands län i landskapet Bohuslän i Sverige. I 2005 hadde tettstaden 891 innbyggjarar.[1]
Bohusbanan går rett gjennom tettstaden. Tidlegare gjekk òg E6 rett gjennom staden, men i 2000 blei den nye motorvegstrekningen mellom Håby og Rabbalshede vest for Dingle innvigd. Det ligg ein landbruksskule i Dingle.
Historie[endre | endre wikiteksten]
I 1753 var busetnaden i Dingle samla der Lantbruksskolan og gammalgården ligg i dag. Bohusbanan frå Strömstad til Uddevalla, som blei ferdig i 1903, med ein stasjon i Dingle, tydde mykje for at det skulle bli ein tettstad her. Men det var framfor alt på 1920-talet at staden byrja å vokse med forretningar, hotell, bakeri og kafé. På 1920-talet blei fleire vegar bygd som naudhjelpsarbeid. SJ leidde arbeidet med desse såkalla AK-vegane for seinare å kunne starte bussruter der. Den første bussruta, som gjekk til Kungshamn, blei starta i 1921 med tilknyting til Bohusbanan i Dingle. Nokre år seinare blei vegen og dermed bussruta til Fjällbacka klar, og etter ytterlegare nokre år til Hedekas og Vassbotten ved grensa til Noreg.[2]
Kjelder[endre | endre wikiteksten]
- Denne artikkelen bygger på «Dingle (Bohuslän)» frå Wikipedia på bokmål, den 30. juni 2012.
- Wikipedia på bokmål oppgav desse kjeldene:
- ↑ Tätorter; arealer, befolkning 2005, statistikk frå SCB, oppdatert 29. Mai 2008
- ↑ Gustaf Hermansson: «Lite om Dingle och Dingles historia». I Gunnar Dahlqvist og Alfred Carlsson: Fem socknar i Munkedal, del II, side 451-, 1986