Grøn Ungdom
| ' | |
| Grunnleggjande | |
|---|---|
| Oppretta | 1987 |
| Partileiar | Ida Karina Kann og Hallvard Surlien (talspersonar) |
| Statistikk | |
| Antal medlem | 558 |
| Tilknytingar | |
| Morparti | Miljøpartiet Dei Grøne |
| Nettstad: | gronnungdom.no |
Grøn Ungdom er ungdomsorganisasjonen til Miljøpartiet Dei Grøne[1]. Grøn Ungdom er tilknytta Federation of Young European Greens (FYEG). Grøn Ungdoms sitt internasjonale namn er Norwegian Young Greens. Talspersonane er i dag Hallvard Surlien og Ida Karina Kann.
Innhaldsliste |
Politikk [endre]
Grøn Ungdom sitt mål er eit medmenneskeleg samfunn i økologisk balanse. Økonomien skal underordnast sunne økologiske prinsipp, og fremje fred og rettferd både lokalt og globalt. Livskraftige lokalsamfunn basert på lokale ressursar er ein føresetnad for å nå dette målet. Grøn Ungdom har, som einaste ungdomsparti i Noreg, same politiske program som moderpartiet Miljøpartiet Dei Grøne.
Organisasjon [endre]
Grøn Ungdom vert leia av eit landsstyre med representantar frå fylkeslaga og to talspersonar av ulikt kjønn. Frå 2012 er dette Hallvard Surlien (Talsmann) og Ida Karina Kann (Talskvinne). Talspersonane representerer Grøn Ungdom utad.
Den daglege drifta vert gjort av eit arbeidsutval som består av dei to talspersonane, samt Pål Thygesen (Generalsekretær), Sara Blichner (Økonomiansvarleg), Kristian Normand (Internasjonal kontakt), Ingrid Ophaug Dahl (AU-medlem), Kristin Eriksen (AU-medlem), John Inge Leira Bjøringsøy (AU-medlem) og Anders Skyrud Danielsen (AU-medlem).
Grøn Ungdom har i dag fylkeslag i Akershus, Oslo, Hordaland, Rogaland, Oppland, Telemark og Sør-Trøndelag.
Historie [endre]
Grøn Ungdom i Oslo vart stifta i 1987, fleire lokallag fylgde, men ein landsdekkjande organisasjon vart ikkje formelt danna før i 1996. Etter ei periode med varierande aktivitetsnivå, vart Grøn Ungdom ein sjølvstendig fungerande organisasjon fyrst etter valet av nytt arbeidsutval sommaren 2009. Landsmøtet i 2012 var det største i organisasjonen si historie, med 55 delegatar.
