Gunnar Aksnes

Gunnar Aksnes (fødd 8. august 1926) er ein norsk kjemikar.

Aksnes voks opp i Kvam i Hardanger. Han fekk graden dr. philos. i 1962. I åra 1966 - 1993 var han professor i organisk kjemi ved Universitetet i Bergen. Aksnes har elles representert Noreg i det internasjonale samarbeidet når det gjeld nervegassar og kjemiske stridsmiddel.

Aksnes er også diktar. I 2001 gav han ut boka Med penn og pensel i Hardanger på Hardangerforlaget i Øystese, saman med kona Milly Aksnes, som illustrerte. Gunnar og Milly har vore gifte i over 50 år. Dikta i boka er skrivne heilt frå 1970 til i dag, og motiva for illustrasjonane er inspirerte av Hardanger.

Aksnes er bror av astronomen Kaare Aksnes.

Kjelder

• Store Norske Leksikon om Gunnar Aksnes.
• Med penn og pensel i Hardanger på Bokkilden sine sider.
• Vår vannskjebne. Artikkel i Naturen, 1991.