Troms fylke
| Troms fylke | ||
 |
 |
|
| Adm.senter | Tromsø | |
| Areal | 25 870 km² | |
| Folkemengd | 160 418 (1. januar 2013) | |
| Folketettleik | 6,4 /km² | |
| Nettstad | www.tromsfylke.no | |
| Politikk | ||
| Fylkesordførar | Terje Olsen, H (2007) | |
| Fylkesmann | Svein Ludvigsen | |
| Fylkesrådsleiar | Pia Svensgaard, Ap (2009) | |
| Målform | Nøytral | |
| Folketalsutvikling 1951-2010[1] | ||
|---|---|---|
 |
||
| Troms fylke på Commons | ||
Troms (samisk Romsa) er ein norsk fylkeskommune (samisk: Romssa fylkkasuohkan). Han grensar til Finnmark fylke i nord, til Nordland fylke i sør og til Lapplands län i Finland og Norrbottens län i Sverige i aust.
Fylket har kystline mot Norskehavet, og er prega av både hav og fjell. Det har talrike øyar, som Senja, Kvaløy og Ringvassøy, og fjordar, med Lyngenfjorden som den lengst. I kystområdet har fiske alltid vore den viktigaste næringsvegen. I det fjellrike innlandet, derimot, har ein hovudsakleg livberga seg gjennom dyrehald.
Det norske forsvaret er ein viktig arbeidsgjevar i Troms. Den sjette divisjonen, fleire fly- og helikopterbasar og radarstasjonar ligg her.
Innhaldsliste |
Politisk styring [endre]
Troms fylkeskommune har valt eit parlamentarisk styresett i motsetnad til formannskapsmodellen som er det vanlege i kommunar og fylkeskommunar. I denne modellen vel fylkestinget eit fylkesråd som er det utøvande organet. Tilhøvet mellom fylkesrådet og fylkestinget er då prinsippielt det same som mellom regjeringa og Stortinget. Fylkesrådet er avhengig av å ha tillit i fylkestinget for å kunne styre. Fylkesrådet i Troms består etter valet i 2007 av fire personar utgått frå partia AP og SV. I desember 2009 gjekk SV ut av fylkesrådet etter ein strid om skolenedleggingar. Etter desember består fylkesrådet av fem personar frå Ap, Høgre og Krf. Etter valet i 2011 blir fylkes styrt av ein koalisjon mellom Ap, H og Krf. Ap og Høgre har to fylkesrådar, og Krf har ein. [2]
Partifordeling ved val:
| Parti: | Representantar 2007: | Representantar 2011[3]: |
|---|---|---|
| Arbeidarpartiet | 12 | 12 |
| Høgre | 5 | 9 |
| Framstegspartiet | 8 | 6 |
| Sosialistisk Venstreparti | 3 | 2 |
| Senterpartiet | 4 | 3 |
| Kristeleg Folkeparti | 2 | 1 |
| Venstre | 1 | 2 |
| Kystpartiet | 1 | 1 |
| Raudt | 1 | 1 |
Fylkesvåpen [endre]
Fylkesvåpenet viser ein griff. Dette er eit fabeldyr som er halvt løve og halvt ørn. Som våpen symboliserer griffen motet til ørna og styrka til løva. Griffen var merket til Bjarkøyætta. Denne slekta var i seinmellomalderen ei av dei rikaste og mektigaste i Noreg. Baron Bjarne Erlingssøn som døydde i 1313 førte griffen som våpen. Godset hans omfatta sannsynlegvis store delar av det som i dag er Troms fylke.
Kommunar [endre]
| Nr. | Namn | Folkemengd | Flatevidd km² | Distrikt |
|---|---|---|---|---|
| 1902 |  Tromsø |
69 009 | 2 524 | Nord-Troms |
| 1903 |  Harstad |
24 205 | 446 | Sør-Troms |
| 1911 |  Kvæfjord |
3 025 | 513 | Sør-Troms |
| 1913 |  Skånland |
2 963 | 495 | Sør-Troms |
| 1917 |  Ibestad |
1 418 | 241 | Sør-Troms |
| 1919 |  Gratangen |
1 130 | 313 | Sør-Troms |
| 1920 |  Lavangen |
1 017 | 302 | Sør-Troms |
| 1922 |  Bardu |
3 882 | 2 704 | Midt-Troms |
| 1923 |  Salangen |
2 213 | 458 | Sør-Troms |
| 1924 |  Målselv |
6 603 | 3 322 | Midt-Troms |
| 1925 |  Sørreisa |
3 379 | 363 | Midt-Troms |
| 1926 |  Dyrøy |
1 188 | 289 | Midt-Troms |
| 1927 |  Tranøy |
1 527 | 524 | Midt-Troms |
| 1928 |  Torsken |
893 | 243 | Midt-Troms |
| 1929 |  Berg |
888 | 294 | Midt-Troms |
| 1931 |  Lenvik |
11 360 | 893 | Midt-Troms |
| 1933 |  Balsfjord |
5 497 | 1 496 | Nord-Troms |
| 1936 |  Karlsøy |
2 353 | 1 086 | Nord-Troms |
| 1938 |  Lyngen |
3 014 | 813 | Nord-Troms |
| 1939 |  Storfjord |
1 899 | 1 543 | Nord-Troms |
| 1940 |  Kåfjord |
2 192 | 991 | Nord-Troms |
| 1941 |  Skjervøy |
2 873 | 473 | Nord-Troms |
| 1942 |  Nordreisa |
4 806 | 3 437 | Nord-Troms |
| 1943 |  Kvænangen |
1 288 | 2 108 | Nord-Troms |
| Totalt | Troms |
160 418 | 25 870 | Troms |
Klima [endre]
Klimaet i Troms er prega av den kompliserte topografien, som gjev stor skilnad mellom kyststrøk og indre strøk.
Om sommaren bles bakkevinden som regel frå nord-nordaust ved kysten, medan det i fjordar og dalføre bles inn mot dei varmare indre strøka. Om vinteren bles det ofte kald utfallsvind og ved kysten er retninga som regel frå søraust til sørvest. Kuling og storm er ikkje så hyppig som på utsette kyststrekningar i Nordland og Finnmark.
Februar er den kaldaste månaden av året med ein middeltemperatur på kring –2 °C, medan middeltemperaturen i indre dalstrøk varierer frå –6 til –9 °C. Dei lågaste minimumstemperaturane som er målt er frå -10 til –15 °C ved kysten og frå –30 til –40 °C i dalstrøka. Middeltemperaturen for juli er 11–12 °C ved kysten og kring 14 °C i indre dalstrøk. Når det i midnattssoltida strøymer varm luft frå søraust, kan det bli opp mot 30 grader ved kysten og over dette i indre strøk.
På grunn av topografien varierer nedbøren sterkt i fylket. Årsnedbøren er omkring 750 mm i ytre kyststrøk og 1000-1500 mm i ein maksimalsone langs kystfjella. Over dei skjerma dalstrøka fell det berre 300-600 mm. Nær kysten kan det somme år komme særs mykje snø i samband med ustabil havluft frå nordvest. Ytre strøk har ein del tåke på sommaren, men det er elles sjeldan tåke i lågareliggande strøk.
Bakgrunnsstoff [endre]
- Troms fylkeskommune
- FM Troms
- NRK Troms og Finnmark
- Vêrvarsel for Troms - yr.no
- Kommunefakta Troms - SSB
Kjelder [endre]
- Store norske leksikon, snl.no, «Troms – klima»
- ↑ Vertikale strekar markerer grenseendringar. Kjelde: SSB
- ↑ Fylkesrådets medlemmar http://www.tromsfylke.no/Politikk/Fylkesr%C3%A5d/tabid/146/Default.aspx
- ↑ http://www.tromsfylke.no/Nyheter/tabid/703/ArticleId/2201/Fylkestingsvalget-2201.aspx
| Kommunar i Troms | ||
|---|---|---|
| Balsfjord · Bardu · Berg · Dyrøy · Gratangen · Harstad · Ibestad · Karlsøy · Kvæfjord · Kvænangen · Kåfjord · Lavangen · Lenvik · Lyngen · Målselv · Nordreisa · Salangen · Skjervøy · Skånland · Storfjord · Sørreisa · Torsken · Tranøy · Tromsø | |
|
| Fylke i Noreg | ||
|---|---|---|
| Akershus · Aust-Agder · Buskerud · Finnmark · Hedmark · Hordaland · Møre og Romsdal · Nordland · Nord-Trøndelag · Oppland · Oslo · Rogaland · Sogn og Fjordane · Sør-Trøndelag · Telemark · Troms · Vest-Agder · Vestfold · Østfold |  |
|
