Knut Brustad
| Knut Brustad | |
| Statsborgarskap | Noreg |
| Fødd | 23. juli 1945 (78 år) Frosta |
| Idrett | friidrett |
Knut Brustad (fødd 23. juli 1945) er ein tidlegare mellomdistanseløpar frå Tautra i Nord-Trøndelag. Han vart noregsmeister på 800 meter åra 1967, 1968 og 1969. Brustad var medlem i Frosta Idrettslag til 1965 og representerte sidan IL i BUL.
Karriere[endre | endre wikiteksten]
Brustad presterte 1.50,2 og personbeste då han i 1967 vart norsk meister på 800 m. Sommaren 1968 var han i sitt livs form. Han sette livsbeste på 1500 meter då han ved eit internasjonalt stemne i svenske Västerås den 11. august vart fjerdemann på tida 3.43,1, vesttyske Bodo Tümmler vann løpet. Halvtredje veka seinare, den 29. august på Bislett stadion i Oslo, fekk han notert 1.48,7 då han vann 800-meteren i landskamp mot Spania. Tida var norsk årsbeste og hans livs beste løp. I 1969 var Brustad nest best i Noreg på begge mellomdistansane, like bak Helge Øystein Pharo på 800 m og langt bak Arne Kvalheim på 1500 m.
Medaljar i noregsmeisterskap[endre | endre wikiteksten]
- 1963 i Trondheim: Bronsemedalje på 800 m
- 1964 i Gjøvik: Sølvmedalje på 800 m
- 1966 i Bærum: Sølvmedalje på 800 m
- 1967 i Trondheim: Gullmedalje på 800 m
- 1968 på Kongsvinger: Gullmedalje på 800 m, sølv på 1500 m
- 1969 i Fana: Gullmedalje på 800 m, sølv på 1500 m
Kjelder[endre | endre wikiteksten]
- Knut Brustad i friidrett.no
- Knut Brustad i «Arbeiderbladet 30. august 1968». s. 11.