Lars Hektoen

Lars Hektoen
	Lars Hektoen
Fødd	28. juni 1832; Tynset kommune
Død	17. mai 1903 (70 år)
Statsborgar av	Noreg
Parti	Venstre
Yrke	politikar, bonde
Alle verv	stortingsrepresentant (1877–1879); ordførar i Tynset; vararepresentant til Stortinget (1874–1876); stortingsrepresentant (1880–1882); stortingsrepresentant (1883–1885); stortingsrepresentant (1886–1888) ;

Lars Pedersson Hektoen (28. juni 1832–17. mai 1903) var ein norsk gardbrukar, ordførar og stortingsmann frå Tynset i Hedmark. Han melde seg inn i Stortingets Venstreforening då denne var skipa.

Hektoen var son til ein gardbrukar på Tynset. Sjølv gjekk han seminaret i Klæbu, der han tok eksamen i 1852. Han var i seks år skulehaldar og i fire år privatlærar i Tynset. Den lange perioden 1862-1900 var han kasserar for Tynset sparebank. Han var frå 1863 til 1889 gardbrukar på Framnes, eit bruk han rydda og bygde frå grunnen. I 1889 kjøpte han garden Nysted ved jarnbanestasjonen på Tynset og budde der sidan. Han kom med i heradsstyret i 1871, frå 1873 til 1889 var han ordførar. Då folkeskulelova av 1889 skulle gjennomførast i Tynset var han skulestyreformann. Ei tid var han formann i amtsskulestyret.

Hektoen representerte Hedemarkens amt på Stortinget frå 1877 til 1888. I den fyrste valbolken, 1877-79, var han medlem av protokollkomiteen, 1880-81 medlem av skattekomiteen, så var han 1882-88 sekretær i budsjettkomiteen og 1886-88 var han medlem av Lagtinget og valkomiteen.

Hektoen døydde på Tynset i 1903.

Kjelder[endre | endre wikiteksten]

Lindstøl, Tallak:Stortinget og Statsraadet 1814-1914. Kristiania, 1914
Biografisk informasjon om Lars Hektoen NSD Norsk senter for forskningsdatas politikararkiv