Mark Paston
 | |||
| Personleg informasjon | |||
|---|---|---|---|
| Fødd | 13. desember 1976 | ||
| Fødestad | Hastings | ||
| Høgd | 195 cm | ||
| Posisjon | Keeper | ||
| Klubbinformasjon | |||
Noverande lag | Wellington Phoenix | ||
| Nummer | 1 | ||
| Seniorkarriere* | |||
| År | Lag | Kampar (Mål) | |
| 1997-2003 2003-04 2004-05 2005-06 2006-07 2007- |
 Napier City Rovers Bradford City Walsall  St. Johnstone New Zealand Knights Wellington Phoenix |
(0) 13 (0) 9 (0) 2 (0) 10 (0) 23 (0) | |
| Landslag | |||
| 1997- |
New Zealand | 20 (0) | |
|
* Seniorklubbkampar og mål berre telt for nasjonal liga og oppdatert 11. desember 2009 ‡ Landslagsmål oppdatert 15. november 2009 | |||
Mark Nelson Paston (fødd 13. desember 1976) er ein newzealandsk fotballspelar som har spela som keeper for Wellington Phoenix i den felles australsk-newzealandske ligaen A League, og for New Zealand sitt landslag. Han vart fødd i Hastings i Hawke's Bay-regionen på Nordøya på New Zealand.
Klubbkarriere[endre | endre wikiteksten]
Paston sin første seniorklubb hans var Napier City Rovers. I 2003 drog han til England, der han i 2003/04-sesongen spelte for Bradford City i the Championship, det nest øvste nivået i engelsk fotball. Han fekk 13 ligakampar for Bradford, som rykte ned same året. I 2004/05-sesongen gjekk han til Walsall i 1. divisjon (det tredje øvste nivået i engelsk fotball), der han berre fekk 9 kampar. Før 2005/06-sesongen flytta han på seg igjen, denne gong til St. Johnstone i skotsk 1. divisjon, det nest øvste nivået der, men her fekk han berre 2 seriekampar.
I 2006 vende Paston heim til New Zealand, til New Zealand Knights, som var det einaste profesjonelle fotballaget i landet, og som spelte i den australske "A League". Då denne klubben vart oppløyst i 2007 og erstatta i A League av den nye klubben Wellington Phoenix, gjekk Paston over til Phoenix. Han var ofte andrekeeper på laget, men då Glen Moss drog til Melbourne Victory vart Paston førstekeeper.
Landslagskarriere[endre | endre wikiteksten]
Paston debuterte for New Zealand sitt landslag som 20-åring i eit 5-0-tap mot Indonesia 21. september 1997. Han spelte ikkje for A-landslaget igjen før 2003. Sidan då har han konkurrert med Glen Moss om plassen som landslagskeeper. I Confederations Cup 2009 var han med i New Zealand sin tropp, men var unytta reserve for Moss. Moss vart utvist og suspendert for fire kampar i den siste kampen i gruppespelet i kvalifiseringa til fotball-VM i 2010.[1] Dermed fekk Paston spela dei to avgjerande playoff-kampane mot Bahrain. Han heldt buret reint i begge kampane, og under heimekampen redda han ein straffe og vart kåra til banens beste. New Zealand kvalifiserte seg dermed til fotball-VM for første gong sidan 1982.
Referansar[endre | endre wikiteksten]
- ↑ Grantley Bernard (5 November 2009). «Moss Sees Red». Herald Sun. Henta 10. november 2009.
- Denne artikkelen begynte med ei omsetjing frå engelsk wikipedia 11. mars 2010.
 | ||