Moerewa
Moerewa er ein liten by med med eit innbyggjartal på 1536 ved folketeljinga i 2006. Ved teljinga i 2001 budde det 1662 menneske her. Byen ligg i regionen Northland på Nordøya på New Zealand. Ein uvanleg stor del av innbyggjarane reknar seg som māori — over 80 % av populasjonen. Byen ligg nær Bay of Islands, fem km vest for Kawakawa.
Moerewa er ein tenesteby for landbruksnæringane som ligg kring han, hovudverksemda er slakteriindustri som voks fram på 1940-talet. Under dei økonomiske nedgangstidene på 1980-talet vart mange av verksemdene i byen sterkt påverka, og arbeidsløysa steig. På grunn av dette har folketalet i byen svinga i dei seinare åra, sjølv om det no er teikn som tyder på økonomisk oppgang i distriktet.