Monte Perdido

Monte Perdido
Monte Perdido (venstre) og Cilindro de Marboré (høgre)
Høgd over havet	3355 moh
Ligg i/på	Huesca, Spania
Fjellkjede	Pyreneane
Koordinatar	42°40′26″N 0°2′0″E

Monte Perdido (fransk Mont Perdu) er det tredje høgaste fjellet i Pyreneane og ligg i Spania, tilsynelatande gøymd frå Frankrike av fjelltoppane Cirque de Gavarnie og Estaube.

Det er lettast å nå fjellet frå den spanske sida. Utforskarar måtte først gå frå landsbyen Torla i Aragon langs den store Ordesadalen, og så opp gjennom Circo de Soaso før dei måtte opp ei bratt klippe til toppen. Monte Perdido ligg midt i den spanske Ordesa y Monte Perdido nasjonalpark som vart oppretta i 1918.

I dag er parken langt større enn i 1918 og har vokse frå 21 til 156 km². Det finst meir enn 1500 artar blomar, 171 fugleartar og 32 forskjellige pattedyr i Ordesa. Av desse finn ein lammegribb som har eit vingespenn på heile tre meter. Pyreneane er ei av få stader i Europa der desse fuglane held til.

Kjelder

• Denne artikkelen bygger på «Monte Perdido» frå Wikipedia på engelsk, den 14. mai 2009.