OS X
Frå Wikipedia – det frie oppslagsverket
OS X (tidlegare Mac OS X) er eit operativsystem til bruk på Apple sine Macintoshmaskinar. OS X er eit moderne Iniks-liknade operativsystem tufta på Darwin og open kjeldekode som FreeBSD, Apache og GCC. Darwin er eit komplett UNIX-miljø med X11 og POSIX-tenester som tilsvarar dei du finn i Linux eller FreeBSD. OS X nyttar mikrokjernen Mach.
X'en i OS X vert uttala som ti (10, romertal) i staden for "eks". Den rette måten å uttala namnet på versjon 10.4 blir til dømes "O-ess ti tiger versjon ti-punkt-fire."
Programvare som er inkludert saman med operativsystemet [endre]
- Adressebok - eit program for lagring av kontaktinformasjon
- DVD-spelar - avspelingsprogram for DVD-filmar
- iCal - kalenderprogram
- iChatAV - Apple sin IM-klient med støtte for AIM-nettverket
- iMovie - eit brukarvennleg videoredigeringsprogram
- iPhoto - digitalt biletarkiv med enkle redigeringshøve. m.a. fjerning av "raude auge"
- iSync - synkroniseringsteneste mellom handhaldne apparat (mobiltelefon, iPod, personleg assistent) og Mac, eller Internett og Mac
- iTunes - digitalt musikkarkiv med støtte for online-kjøp av musikk (førebels ikkje støtta i Noreg, men rykta vil ha det til at denne tenesta er i kjømda)
- Mail - e-postprogram med støtte for mellom anna S/MIME og filtrering av uønska e-post
- Preview - eit program for rask vising av ulike filformat. M.a. PDF, jpeg og tiff
- QuickTime - eit system for vising (og redigering) av ulike video- og biletformat.
- Safari - Apple sin eigen nettlesar, basert på KDE sin nettlesar Konqueror
- X11 for Mac OS X - eit komplett X-Window system for å køyra X11 baserte program
Versjonar [endre]
- 10.0 Cheetah (13. september, 2000)
- 10.1 Puma (24. mars, 2001)
- 10.2 Jaguar (24. august, 2002)
- Betre støtte for Windowsnettverk
- Quartz Extreme grafikkmotoren.
- Rendezvous nettverksdeling.
- Ein ny og oppdatert Finder
- iChat, eit nytt snakkeprogram til AIMnettverket.
- Generellt betre yting.
- 10.3 Panther (24. oktober, 2003)
- Nok ein oppdatert Finder
- Exposé
- Raskt brukarbytte
- Betra støtte for Windowsnettverk
- Filevault, kryptering på filnivå.
- 10.4 Tiger (29. april, 2005)
- 64-bits operativsystem
- Smarte katalogar
- Spotlight: Ein søkemotor som fullindekserer alle filene på maskinen
- API for å laga filter for å rendra bilete/video (via GPU)
- Oppdatert iChat AV med støtte for tre samtidige videokonferansar
- Dashbord som gjev brukaren tilgang til nyttige program ("Widgets") direkte på skrivebordet
- Oppdatert versjon av Safari med støtte for RSS
- QuickTime versjon 7.0 med støtte for den nye standard-protokollen for video: H.264
- 10.5 Leopard( 26. oktober 2007)
- Utviding av støtta for 64-bits program
- 256-bits kryptering av diskfilbilete etc.
