Peter Lorange

Peter Lorange
Statsborgarskap	Noreg
Fødd	17. april 1943 (81 år)
Yrke	samfunnsøkonom
Språk	engelsk, norsk, tysk

Peter Lorange (fødd 17. april 1943) er ein norsk samfunnsøkonom (siviløkonom). Han er busett i Sveits, og er skiparen og eigaren av Lorange Institute of Business Zurich i Zürich, der han er arbeidande styreformann og rektor.

Lorange er utdanna som siviløkonom hjå Norges Handelshøyskole i Bergen, og tok seinare mastergrad ved Yale University, og etter dette Doctor of Business Administration ved Harvard University, som båe er private universitet i USA.

Lorange har vore rektor ved Handelshøyskolen BI i Oslo (1989-1993), professor ved Wharton School ved University of Pennsylvania i USA og Kristian Gerhard Jebsen Professor of International Shipping ved International Institute for Management Development (IMD) i Lausanne i Sveits. Han er forfattar av ein rad vitskaplege bøker og artiklar, og har seks æresdoktorgradar, mellom anna frå Lunds universitet i Sverige. I 2010 vart han utnemnd til kommandør av Den Kongelege Norske Fortenesteordenen «for fortjenstfullt virke for fremme av norske næringslivsinteresser internasjonalt»

Peter Lorange er eigar av selskapet S. Ugelstad Invest AS.

Bakgrunnsstoff

• snl.no: Lorange (om ætta Lorange i Noreg, opphavleg frå Frankrike)
• Lorange Institute of Business Zurich Arkivert 2017-09-09 ved Wayback Machine.
• Zurich Institute of Bussines Education: Peter Lorange Arkivert 2017-05-03 ved Wayback Machine.