Ratnasiri Wickremanayake
| Ratnasiri Wickremanayake | |||
 | |||
| Fødd | 5. mai 1933 Sri Lanka | ||
|---|---|---|---|
| Død | 27. desember 2016 (83 år) | ||
| Statsborgar av | Sri Lanka | ||
| Yrke | politikar | ||
| Utdanna ved | Hartley College Ananda College | ||
| Alle verv |
| ||
Ratnasiri Wickremanayake (fødd 5. mai 1933) er ein srilankisk politikar og tidlegare statsminister på Sri Lanka.
Wickremanayake studerte juss i London, men tok ikkje eksamen. Istaden vart han blanda inn i studentpolitikk, og vart vald leiaren åt Ceylon Studentforbund i England i 1955. I 1960 vart han medlem i det srilankiske parlamentet for Sri Lanka Freedom Party (SLFP). Han vart assistentminister i justisdepartamentet i 1970, og vart generalsekretær for SLFP i 1977.
I 1994 vart Wickremanayake ministeren for innanriksdepartamentet og plantasjesektoren i den fyrste regjeringa åt Chandrika Kumaratunga. Han vart utnemnd til statsminister i 2000 etter at Sirimavo Bandaranaike gjekk av. Partiet hans fekk ikkje fleirtal i parlamentsvalet i 2000. Han leia ei mindretalsregjering i eitt år med støtte frå det kommunistiske Janatha Vimukti Peramuna (JVP).
Som statsminister tok Wickremanayake ei sterk linje mot dei tamilske tigrane som kjempa for ein sjølvstendig stat i nordaustlege Sri Lanka. Han nekta å halda fredsforhandlingar med dei før dei gav opp terrorisme. Han eggja sinhalesarar til å ha fleire barn slik at hæren kunne få fleire soldatar, og føreslo endringar i lovverket for familieplanleggjing for å oppnå det.
Parlamentet vart oppløyst i 2001 fordi presidenten venta at SLFP ville tapa eit mistillitsframlegg. SLFP miste det neste valet, men fekk makt igjen i 2004-valet i Sri Lanka. Wickremanayake vart minister i regjeringa, og vart utnemnd til statsminister den 21. november 2005 etter at den tidlegare statsministeren Mahinda Rajapakse vart president.
Den 21. april 2010 tok D.M. Jayaratne over som statsminister.