Saladin
Ṣalāḥ ad-Dīn Yūsuf ibn Ayyūb (arabisk: صلاح الدين يوسف بن أيوب, Ṣalāḥ ad-Dīn Yūsuf ibn Ayyūb, kurdisk: سهلاحهدین ئهیوبی, Selah'edînê Eyubî) (c. 1138 – 4. mars 1193), best kjend i vestverda som Saladin, var ein arabisert [1] kurdisk[1][2][3] muslim, som vart den fyrste sultanen av Egypt og Syria og grunnleggjaren av Ayyubide-dynastiet. Han leia den muslimske og arabiske motstanden mot frankarane og dei andre europeiske korsfararane i Levanten. Då han var som mektigast femnde sultanatet hans Egypt, Syria, Mesopotamia, Kurdistan, Hejaz og Jemen.
Med han som leiar nedkjempa styrkane hans korsfararane i slaget ved Hattin, noko som opna for atterobringa av Palestina som hadde vorte teke frå dei egyptiske fatimidane av korsfararane 88 år tidlegare. Sjølv om korsfararane sitt Kongedømet Jerusalem skulle fortsetje å eksistere ei tid var tapet i slaget ved Hattin eit vendepunkt i konflikten mellom korsfararane og muslimane og arabarane. Slik er Saladin ein viktig figur i kurdisk, arabisk og muslimsk kultur. Saladin følgde sunni-læra strikt.[4] Den noble og riddarlege framferda hans vart vektlagd av kristne historieskrivarar, særleg i forteljingane om kringsetjinga av Kerak, og trass i at han var korsfararane sin erkefiende vann han respekt hjå mange av dei, mellom andre Rikard Løvehjarta; heller enn å verte ein hata person i Europa, vart han heidra og halden fram som eit døme på riddarleg framferd og storsinn.[5]
[endre] Kjelder
- Denne artikkelen bygger på «Saladin» frå Wikipedia på engelsk, den 1. desember 2011.
- ↑ 1,0 1,1 Minorsky, Vladimir (1953). Studies in Caucasian history. London: Cambridge University Press.
- ↑ Steed, Brian L., Piercing the Fog of War: Recognizing Change on the Battlefield, (Zenith Press, 2009), 176;"Saladin was a Kurd from Tikrit.".
- ↑ "Encyclopedia of World Biography on Saladin". http://www.bookrags.com/biography/saladin/. Henta August 20, 2008.
- ↑ Moors' Islamic Cultural Home souvenir III, 1970–1976 Islamic Cultural Home, 1978, p. 7.
- ↑ "Saladin, Richard the Lionheart and the legacy of the Crusades". Channel 4. http://www.channel4.com/history/microsites/H/history/i-m/lionheart.html. Henta 2011-07-25.
