Saransk

Saransk Саранск
Byvåpenet til Saransk
Plassering
Styresmakter
Land	Russland
Føderasjonssubjekt	Mordovia
Grunnlagd Bystatus	1641 1651
Borgarmeister	Vladimir Susjkov
Geografi
Flatevidd  - By	72 km²
Innbyggjarar  - Totalt (2007)    - folketettleik	295 400   4 102,8 /km²
Koordinatar	54°11′0″N 45°11′0″E
Høgd over havet	160 moh
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	430000–430034
Retningsnummer (tlf)	(+7)8342
Nettstad: www.adm-saransk.ru

Saransk (russisk Сара́нск, mordvinsk Саран ош, Saran osj) er hovudstaden i Republikken Mordovia i Russland. Han ligg ved elva Insar, rundt 520 km aust for Moskva. I 2007 hadde han om lag 295 000 innbyggjarar.

Historie

Busetnaden vart grunnlagd i 1641 som ei festning ved den søraustlege grensa til Russland. På 1700-talet vart fortet mindre militært viktig og Saransk vart ein handels- og industriby. I 1708 vart byen underlagt Azov gubernija og seinare Kazan gubernija. I 1780 vart byen underlagt det som i 1801 vart Penza gubernija. I 1893 nådde bygginga av jernbanen Moskva – Kazan fram til Saransk. I 1928 vart byen hovudstad i det nasjonale distriktet Mordovia, som i 1934 vart til den Mordoviske ASSR og i 1991 den autonome republikken Mordova. Sovjetiske byplanleggarar bygde om det gamle bysenteret på 1960- og 1970-talet, med vide gater og enorme bustadområde.

Næringsliv

Industrien i Saransk omfattar produksjon av elektriske kablar, kjemikaliar, dekorativt tøy, matprodukt, maskinbygging og metallarbeid. Byen har òg to varmekraftverk.

Flybasen Ljambir ligg 12 km nord for byen.

Transport

Saransk har hatt ein jernbanestasjon siden 1893 og den ligg for tida ved Ruzajevka – Kazan-jernbanen. Byen ligg òg ved ein hovudveg. Saransk lufthamn, som ligg 7 km sør for byen, har flyruter med mindre fly.

Kultur

Saransk har fleire teater: eit dramateater (grunnlagt i 1961), eit dokketeater og eit komedieteater. Byen har òg eit regionalt historisk museum og eit kunstmuseum.

Utdanning

Mordovia Statlege Universitet (grunnlagt i 1957) ligg i Saransk, i tillegg til fleire tekniske skular.

Attraksjonar

Byen har mange historiske arkitektoniske monument frå si tidlege historie.

Ein merkverdig struktur i Saransk er Saransk TV-tårn, ei 180 meter høg bardunert mast av røyrstål bygt i 1961, som har 8 tverrstykke med gangvegar på to nivå frå mastestrukturen til bardunane.

Bakgrunnsstoff

Commons har multimedia som gjeld: Saransk

• Saransk-online