Agrínio

Agrínio Lokalt namn Αγρίνιο
Utsyn over Agrínio
Geografi
Stad	Sentral-Hellas
Koordinatar	38°37′N 21°24′E
Areal	1 246,7 km²
Administrasjon
Land	Hellas
Periferi Periferieining	Vest-Hellas Etoloakarnanía
Hovudsete	Agrínio (46 899 innb.)
Demografi
Folketal	94 181 (2011)
Folketettleik	76,6 /km²

Agrínio (gresk Αγρίνιο, eldre form Agrinion, latinsk Agrinium) er ein kommune og ein by i periferieininga Etoloakarnanía i Vest-Hellas i Hellas, den største byen i periferieininga.

Busetnaden i Agrínio går tilbake til antikken. Antikkens Agrínio låg 3 km nordaust for dagens by. Nokre murar og grunnmurar er grave ut i nyare tid. I mellomalderen og fram til 1925 vart området kalla Vrakhóri (Βραχώρι).

Store delar av innbyggjarane var ei stund tobakksbønder på slutten av 1800-talet og på byrjinga av 1900-talet.

Administrativ inndeling

Den tidlegare kommunen Agrínio, no kommunaleininga Agrínio

Kommunen vart danna i 2011 ved at ein slo saman dei tidlegare kommunane

• Agrínio
• Angelókastro
• Arákynthos
• Thestiís
• Makrynía
• Neápoli
• Panetolikó
• Parakambýlia
• Paravóla
• Strátos

Dei ti tidlegare kommunane er no kommunaleiningar.

Ved folketeljinga i 2011 hadde kommunen 94 181 innbyggjarar, medan kommunaleininga Agrínio hadde 59 329 og tettstaden med same namn 46 899 innbyggjarar.

Historie

I følgje gresk mytologi vart byen bygd av kong Agrios, Thestievs sin son. Han vart øydelagd av Kassander i 314 fvt.

I perioden under Det osmanske riket var området stort sett busett av tyrkarar. I 1585 vart byen forlaten under opprøret til Theodoros Migas. På byrjinga av 1700-talet vart han administrativt senter for Etoloakarnanía (då som eit sanjak kalla Karleli). Byen var delaktig i den greske sjølvstendekrigen. Han vart mellombels frigjort 11. juni 1821 og vart ein permanent del av Hellas i 1830 etter Konstantinopeltrakataten.

Under den gresk-tyrkiske krigen 1919-1922 kom mange innbyggjarar frå Vesleasia til byen.

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011
Agrínio	Agrínio	46 899
Ájos Konstandínos	Agrínio	6 534
Panetólio	Thestiís	2 935
Kenoúrjo	Thestiís	2 790
Lepenoú	Strátos	2 090
Dokími	Agrínio	1 664
Triandéika	Neápoli	1 484
Neápoli	Neápoli	1 442
Megáli Khóra	Neápoli	1 408
Mataránga	Arákynthos	1 344
Angelókastro	Angelókastro	1 220
Paravóla	Paravóla	1 118
Pappadátes	Arákynthos	1 077
Gavaloú	Makrynía	1 018
Strátos	Strátos	979
Kalývia	Agrínio	965
Grammatikoú	Arákynthos	802
Zevgaráki	Arákynthos	781
Néa Avórani	Thestiís	751
Kamaroúla	Agrínio	595
Káto Makrinoú	Makrynía	580
Ájos Andréas	Makrynía	574
Spoláita	Neápoli	548
Pandanássa	Paravóla	531
Ókhthia	Strátos	506

Kjelder

• Denne artikkelen bygger på «Agrinio» frå Wikipedia på engelsk, den 21. september 2007.

Bakgrunnsstoff

• Offisiell nettstad