Albert Bøhn

Albert Bøhn
	Albert Bøhn
Fødd	19. juli 1836
Død	30. april 1913 (76 år)
Statsborgar av	Noreg
Parti	Høgre (1889; 1906), Samlingspartiet (1907; 1909)
Yrke	politikar
Alle verv	stortingsrepresentant (1877–1879); vararepresentant til Stortinget (1871–1873); vararepresentant til Stortinget (1880–1882); stortingsrepresentant (1889–1891); stortingsrepresentant (1892–1894); stortingsrepresentant (1895–1897); stortingsrepresentant (1898–1900); stortingsrepresentant (1900–1903); stortingsrepresentant (1903–1906); stortingsrepresentant (1906–1909) ;

Albert Bøhn (19. juli 1836–30. april 1913) var ein norsk handelsmann, gardbrukar, lensmann og stortingsmann frå Nes på Romerike.

Bøhn var son til ein gardbrukar. Han var krambudreng på Kongsvinger frå 1852. I 1860 opna han landhandel i Nes, ein handel han dreiv til 1887. Han tok over garden Grini etter foreldra og dreiv denne frå 1861 til 1910. Åra 1891-1909 var han lensmann i Nes.

Bøhn var medlem av heradsstyret i mange år, ordførar i 14 år. Elles forlikskommissær og medlem av amtsutvalet. Han var tilsynsmann ved Kongsvingerbanen og medlem av representantskapen i Noregs Bank.

Bøhn representerte Akershus amt på Stortinget 1877-79 og 1889-1906, samt einmannskrinsen Øvre Romerike 1906-09. Perioden 1877-79 var han medlem av konstitusjonskomiteen. Han var 1889-1903 medlem av justiskomiteen, 1889-93 og 1895-1909 av valkomiteen, samt 1889-91 og 1895-1909 av fullmaktskomiteen. Elles var han 1903-09 president i Lagtinget og medlem av tollkomiteen, sekretær i sistnemnde 1903-06. Han var medlem av sivilprosesskommisjonen.

Han døydde i Nes i 1913.

Kjelder

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Albert Bøhn NSD Norsk senter for forskningsdatas politikararkiv