Alf Petter Tjøme

Frå Wikipedia – det frie oppslagsverket
Hopp til navigering Hopp til søk

Alf Petter Wessel Tjøme (9. oktober 185623. desember 1900) var ein ingeniør, bankmann og stortingsmann frå Kristiania.

Tjøme tok eksamen ved den tekniske skulen i Kristiania og var deretter eitt år ved same skuleslaget i Dresden i Tyskland. Frå 1879 var han vernepliktig sekondløytnant. Han busette seg i 1883 i Kristiansund, der han var ingeniør, bankkasserar og -revisor.

Alf Petter Tjøme var medlem av bystyret i Kristiansund i mange år, og var ei tid ordførar. Han vart vald til stortingsmann for byen og for partiet Venstre for perioden 1900-03. På tinget var han medlem av budsjettkomiteen.

Han døydde i Berlin allereie på tampen av året 1900, same året som han hadde teke sete på Stortinget.

Kjelder[endre | endre wikiteksten]